إيش الحل مع قليلات الذوق ؟؟؟؟؟

السلام عليكم ورحمة الله وبركاته ....
يابنات أنا أعاني من قليلات الذوق اللي تجيك الوحدة وتدقك بكلمة وانت قاعدة في حالك ماتعرضت لها ، ولا أسأت لها
،ولابينك وبينها أي شي ....
أقول لكم الموقف اللي صار معي : أنا موظفة ومن كام يوم وأنا في العمل قاعدة أسولف أنا وواحدة من زميلاتي عن الشباب اللي يتجمعون في الشوارع ويسوون شلل وقاعدة أقول لها اني أخاف على عيالي منهم إذا راحوا المسجد ، ومأدري إلا واحدة داخلة عرض وتقول : إيوه هذولي من ...... ( وتذكر اسم قبيلتي ) يعني الشباب الفاسدين من القبيلة هذي :mad: وأنا تفاجأت :eek: وأنا مشكلتي إذا تفاجأت بشي يضيع مني الكلام ، صحيح اني رديت عليها لكن كان ردي بارد وماأقنعني بعدين يوم فكرت في الموضوع ، ودي اني رديت عليها برد يبرد قلبي ....مع العلم اني مابيني وبينها أي شي وماعمري احتكيت معاها ، واللي قاهرني اني دايما تصير معي هذي المواقف مع اني والله اعامل الناس معاملة طيبة ولاعمري غلطت على أحد ، ودايما أراعي مشاعر الناس وأفكر في الكلمة قبل ماأقولها ، وأنا مشكلتي اني حساسة واتضايق بسرعة واللي يغلط علي أكرهه وما أعطيه وجه بعد كذا ، والحين حاسة اني كرهتها وما عاد أبغى أشوف وجهها ، وفعلا من صارت المشكلة ماعاد كلمتها ولا طالعت في وجهها ، والمشكلة إنها معاي في نفس المكتب :44: ...
بالله يابنات لو كنتم مكاني إيش تسوون وكيف تتعاملون مع هذي النوعيات من الكائنات سيئة الخلق ، اللي ماعندها إحساس ولاذوق ؟؟