اذا نطق السفيه فلا تجبه فخير من اجابته السكوت

هذا العباره اعجبتني وتعلمت ان اطنش العااالم مايهمنى كلامهم لان ورى تتبع كلام الناس

يصيب الواحد بالارهاق وفقدان الشخصيه والهم


وموضوووع جدا جممممممميل

نا الصراحة اتعلمت اشياء كتيرة :
أولها : كنت زيك أحس السعاده في الخروج وإكمال الدراسة والمطاعم وتععععبت من هذا التفكير إلين جاتني أختي وقالت لي غيري هذه القناعه من رأسك مين اللي قالك انو سعادتك في الخروج بالعكس أوقات كثرة الخروج تجيب المشاكل انت حطي في بالكإنك تقدري تسعدي نفسك في بيتك انت تقدري تقضي وقتك ووقت اودلاك بأشياء مفيدة أحسن من الخروج من غير فايدة وأصلا وقتك هذا انت محاسبة عليه فاضيه بالشئ المفيد ولا تقضيه في الملهيات ..

ثانيا:
كنت دايما لو صار لي شئ وما أحبها اجزع واقول يارب ليه صار لي كدا واجلس الوم نفسي كتير واقنهر واقول لو اني بس سويت لكان كدا وكدا إلين أتزوجت وصارت أشوف زوجي كل ماصار له شئ ماعجبه يقول إن شاء الله يكون في الأمر خير ، ومن كثر مايردد خير خير خير وبالفعل أشوف الخير بعد المشكلة أو المصيبة رجعت لنفسي كتييييييير وصرت دايما أقول خييير..

ثالثا:
الاستعانه بالله في كل أمورك الصغيرة والكبيرة وكيف تتحقق الببركة وتتيسرلك الأمور دخلت دورة لأناهيد السميري على الانترنت في شبكة مسلمات وانصح الكل بها مرة مفيدة ،،اتعلمت منها انو تربيتي لأولدي هو توفيق من الله هدايتهم من الله وصلاحهم من الله هدوئهم وبرهم بك من الله انت مجرد سبب من الأسباب وغير كدا كله من الله ..
الصراحة كان كلامها جميل جدا لدرجة اني فقط انصحك كل وحدة تدخل على الشبكة وتسجل في دوراتها او تدخل مدونة علم ينتفع به هذه طالباتها مسوينها مررة حلو...

رابعا: هذه اتعلمتها من الحياة مو كل النصايح اللي تجيك تكون كلها فيها الصح حتى لو كان من الاقرب الاقربين لك لازم تحكمي عقلك فيها اا بتنفع او لا وتستخيري فيها كمان

خامسا:
برضو من الحياة اتعلمت انو كيف اللجوء إلى الله وبث كل شكواك له هو الحل لمشاكلك اما الناس ما بتنفعك ولا بتضرك بل بالعكس يخوفوك زيادة ويجيبو لك الهم والغم..

موضوع جدا روعه ومفيد...
انا اثر فيني مو بس كلمات حتى افعال...خلتني اتعلم وافوق لنفسي...مااقدر احصر الكلمات بس هي من زوجي واهلي ...
ﻻحظت اني بس اصبر في بيت واتالم ومهمله شكلي وطموحي ومن انا....حسيت ان شغلتي بالحياه اكون شغاله خدامه وروتين ممل ..
فكرت وفكرت بعد ماتعلمت دروس بالحياه وصار ثﻻث ارباع يومي اهتمام بصحتي وجمالي وثقافتي وديني .... وعيالي وزوجي واهلي لهم الربع...

ارتحت وحققت نتائج ومنها رضا النفس والثقه واﻻنجاز واني اهتميت بشبابي واﻻهم حب الذات...اذا حبيتي نفسك واكرمتيها مااحد راح يعطيك وينفعك...

وباﻻخر ..الشخص هو المسؤل اﻻول عن سعادة نفسه...

طبعا أنا اعمل اخصائيه نفسيه ومعالجه وردني سؤال من احد الحالات التي أعالجها
دكتوره
((هل انتي مرتاحه بحياتك هل قدرتي تغير ي حياتك))
ومن بعدها قررت التغيير والحمدلله تغير كل شي

أنا أحب أدخل المنتديات وخاصة القسم الاسلامي وأقرأ المواضيع المتنوعة للموعظة وكثير استفدت منها
وقرأت عبارة في أحد المواضيع أثرت بي كثيراً ,,, جزا الله صاحبها خيراً وأعتبرها أقوى حكمة قرأتها في حياتي ,,,, العبارة هي

أدب نفسك في الدنيا قبل أن تؤدب في جهنم

سبحان الله وبحمده