إيش تتوقعون قصد خواتي لما يسوو كذا؟؟؟؟

بنات أبغى رأيكم الله يخليكم لأني حاسة إني مصدووووووووووووومة و ماني عارفة كيف أتصرف؟؟؟
دلوني تكفون.
المهم
الحكاية إني أنا أصغر و حده في خواتي وأختي اللي أكبر مني موظفة.
المهم إنه لما بدأ الدوام كانت أختي هذي تدور على سيارة توديها الدوام فأخواتي الكبار عندهم سواق فقالو لها أبدا ما تاخذين سواق الفلوس اللي راح تعطينها السواق إنتي أولى فيها فبما إن سواقنا موجود خليه يوصلك و خلي ال500 في جيبك.
لحد هنا و جزااااااااااااااااااهم الله خييييييييييييييييييييير بس وين المشكلة؟؟؟؟؟
المشكلة إني لما أطلب أنا السواق لمشوار بسيط يعطوني في الوجه و يقولون لا بكل صرااااااااحة و بدون أعذار. وأنا ألتمس لهم العذر و أقول سواقهم وهم حرين فيه إلى إن جات القصة الأخيرة اللي بتخليني أنفجر فيهم و ماني عارفة كيف أرد.
أنا مرتبطة بدورة فنية في العصر و شهادتها بالنسبة مهمممممممممة جدا.المهم تقريبا لي 3 أسابيع في هذي الدورة و كنت أروح مع وحدة من زميلاتي يعني في سيارتها لين جاء اليوم اللي اعتذرت فيه زميلتي عن الذهاب و توهقت أنا و بلغتني الله يهديها في نفس اليوم و ماكان باقي على الدورة إلا 10 دقايق المهم و أنا بعباتي خلاص فقلت لأختي ممكن السواق يوديني اليوم بس و يابنات على طوول لأ هو مشغول و إحنا بصراحة بنطلع و نبغى نقضي مشاوير من زمان متعطلة و...........و.........
المهم على طول ما رديت و رحت أدق على السواقين اللي أعرفهم واللي ما أعرفهم لين لقيت واحد وافق يوصلني ذاك اليوم ولما رجعت من الدورة لقيت السواق موجود و لا حرك السيارة و لا كأن شي صار!!!!!
وبعدها دورت على سواق يوصلني باقي أيام الدورة ولقيت واحد ماوافق الا بـ550 تخيلو في الشهر بس عموما عشان ماتضيع الدورة وافقت مكرهه.
وأنا يابنات ماني متخيلة كيف يقولون لأختي الموظفة أصلا حرام تدفعين500 و أنا المسكينة اللي ماعندي وظيفة عااااااااااااااااادي أدفع550حتى ماتعذرو مني و لا سألوني و لا كأن عندي مشكلة أصلا.
تخيلو أغلب مشاويري أنا أدور سواقين أدفع لهم وبالرغم من إني قليييييييييل أطلب سواقهم.
أكيد بتقولون إن بيني و بينهم شي!!! والله مابينا إلا كل خير و دااااااااااااااااااااائما أساعدهم في حل مشاكل عيالهم لأن عيالهم يحبوني كثييييييييييييييير و كمان أدرسهم و أهتم فيهم و إذا كانت عندهم مشاغل أجلس مع العيال في البيت و اعشيهم وأنومهم و لما يحتاجو أي حاجه على طول أنفذها بنفس طيبة.حتى لما ماكان عندهم شغاله و أجيهم أنظف البيت حتى الحمامات الله يكرمكم.
فمااااااااااااأدري كيف أتصرف؟؟؟؟أتكلم باللي في خاطري بصراحة مع إنه ما ودي .وإلا أسكت وأطنش و أقلل إهتمامي بمشاكلهم؟؟؟لأني أحس بحركتهم هذي إني ما أعنيلهم أي شيء مو من هذا الموقف و بس لأ كثير مواقف لما تصير لهم تحسون يهتمون يناقشونها مع بعض و أنا بالكاد يعطوني راي والا ثنين تسكيته يعني مع إني أدري إنهم مايكرهوني و لا شي لأني مثل ما قلت لكم ما بينا إلا كل خييير.
و أحينا يجيني إحساس إن السالفة وما فيها عدم احترام و تقدير مع إني موصغيره.لكن الشكوى لله.
إيش رايكم بنات إيش أسوي معاهم؟؟؟؟؟؟؟؟؟؟