إيش تلبسون إاذا جيتوا تحطون الخلطات (نصحيه مجربه)

سلام على بنوتات وسيدات حواء كلهم

اليوم جايبه لكم موضوع جديد ومنوع يارب يعجبكم وهو نصيحه مني ومجربه يارب تعجبكم
احيانا يابنات تعجبنا خلطات معينه وودنا نطبقها ونسمع البنات يمدحونها ولما نجربها نبي النتايج بسرعه او نجربها ولا تنفع معنا اول شيء الخلطات يبي لها صبر انا اول شيء اصبر عليها شهر بعدين اقرر اذا جسمي احس تغير ولو نقطه بالميه اكمل واقول معليه مع الايام بتبين واذا لا افكر ثانيه واشوف اذا لها فايده يعني تبيض وتنيعم اشوف خلطه للبياض والصفاء ثانيه واستمر على خلطتي القديمه اللي اشوف منها النعومه
بس السؤال شلون نحكم على الخلطه الجيده او الخلطه اللي ماتنفع هذا كله من خلال وضع الخلطه بطريقه صحيحه

يعني لازم تحطين الخلطه يابنات اول شيء على نظافه يعني تتحممين وتتنظفين وبعدين تحطينها لاانه لو ماغسلتي بتحطينها على دهون الجسم وماراح توصل للمسامات تحممي اول وتفركي عشان جسمك يستقبل الخلطه
ومو لازم كل جسمك يعني اذا الخلطه لرجلين حطي رجولك بالغساله وغسلي بصابونك المفضل وطلعي رجولك ونشفيها وبعدين حطي الخلطه

ثانيا حطي في بالك ان الخلطه تتلوث بالحر وكثر ماتدخلين الملعقه وتطلعينها يعني انا احافظ على الخلطه واسكرها كويس واحطها بالثلاجه عادة عشان اجواءنا موت وحر واستخدم ملعقه بلاستيك

اخير بعد ماخلص الخلطه الف جسمي بالسفره يعني سفره الاكل او زي مانسميه السماط اللي يجي شفاف وخفيف احطه واقطعه بالمقص بطول والف على كل قطعه بجسمي والزق بلازق الدفاتر الشفاف العادي او الكبير العريض حق اللوحات
يعني اجيب قطعه ليدي اليمين والفها زين واسكرها باللزقه واجيب وحده ليدي اليسار واسكرها باللزقه ........... لحد ماخلص جسمي
هههههههههههههههههههههههه
اتدري بتضحكون اصير كني رجل الي
لا بعد وابشركم انزل لااهلي كذا ويموتون من الضحك والتمسخر علي

هذي تجربتي حبيت انقلها لكم من كثير ماحبكم ابيكم تصيرون ملكات جمال العالم وتتوفقون كلكم برجال الحلال والله ماحب احسد احد على الجماال والطيب يستاهل الطيب
ومابي اقولكم ادعوا لي اذا نجحت الطريقه بس ابقولكم اللي تقدر تدعي لي بالتوفيق والزواج بالرجال الصالح اللي يستاهلني
وبس