أنا بالنسبة لي ما أحب ألمح له وأطلب ولا أزن ما أحب ولا فيني هالطبع يعني لو ما يابها من نفسه ما أحس بقيمتها
لأنها مب من خاطره
وهو يوم كنا مالجين ياب لي هدايا بالهبل يوم كان الحب مشتعل بعده وأول سنه بعد ما خلت في يوم ميلادي وفي المناسبات والأعياد وأحياناً بدون مناسبات وأنا بعد ما قصرت غرقته هدايا إلى أن صارت مصيبة شرخت علاقتنا ومن يومها ما يابلي شي ولا أنا بعد ولنا على هالحال سنتين لا هدايا ولا حتى جبر خاطر لووووووول
ورغم اني صارت كم مرة ولمحت له ان اللي تولد اييبلها زوجها هدية ولكن لا حياة لمن تنادي ويوم جربت أطلب منه اني أنا أبا الهدية الفلانية في ولادتي و يوم زواجي و يابلي إياها لكن ما عدت أكرر هالأسلوب لأني حسيت به مب من خاطره يايبنها مغصوب فما قمت أطلب منه شي !!
وهو ما صدق قال فكة


بس يكفيني والله و فرحني واااااااايد يوم كنا نتمشى في السنتر قبل العيد بيوم مرينا جدام داماس فاجأني وقال "ادخلوا بشتري طقم للأطفال ألماس لميثاني الحلوة"
فديتها جنه ماخذلي المحل كله
والعيدين اللي طافوا كانت بعدها ما تلبس حلق فاشترالها أساور وتعليقات خفيفة
وناويه انشاء الله أعوده كل عيد يشتريلها شي ذهب أو ألماس

بس

انا والله ولا شي...
اصلا ماوراهم الا الدجة..
والله تقولين ولا ماتقولين...
واصيح باعلى صوتي ...ابي هدية....بس عمك اصمخ...آآآآآآآآه زوجي مايعترف بالهدايا ابدا..........يقول الحب في القلب.......امحق حب!!!

زوجي اهداني خاتم الماس واهلي عيدوني بفلوس ورضا زوجي عني احلى عيديه

موبايل جديد بس ما عجبني وببدله :(

مبلغ بسيط
مع انه واعدني بجواااااااااال وغير كلامه
وعيد امه اضعاف الي عطاني((عليها بالف عافيه وربي بالعكس عادي وافرح انه يبر فيها..عالاقل دعواااااتها الطيبه ..وربي زي العسل))
وكمان عايد اخواته ضعف الي عايدني..هنا بس جزت بخاطري..لو انه خلانا زي بعض
مع ان ظروفه تسمح

بس يالله
وربــــــــــــــــــــي يا بنات..كلمه من القلب
اذا جا العيد وانتي معافااااااااااه في بدنك..ومافي شي محزن قلب
اقسم بالله..كل الي بعدها..اذا تفكرين فيه بعقل.يطلع ولاااااشي

آآآه يالعاااافيه ما أحلاها..الله لايحرمها مسلم

والحمد لله على كل نعمه

ويارب كل وحده المره الجايه يعايدها زوجها بالي تتمنى