إيش رايك لما تتعاوني مع وحدة وهي ماتتعاون معاك إش معنات الحركة هذي

أخواتي السلام عليكم ورحمة الله وبركاته
والله إني قاعدة أكتب لكم ولي مايقارب شهر نوم الليل ما أنام من القهر اللي أحسه أحس القهر زي دبيب النمل مع أرجولي...
تخيلوا أخوات زوجي متعاونة معاهم لأبعد الحدود ..والله يشهد ربي علي اللي باقي أوقف بين إيديه إن حتى غرفتي أفتحها لهم ياخذوا اللي يبغوه ما أحرمهم من شي أبد ... ومتعاونه معاهم في كل شي حتى لما أسافر أخلي باب بيتي مفتوح ..واقول لو بغيتوا شي المطبخ والبيت مفتوح ... وعمري ما قد قفلت أحس إني استحي أقفل والبيت بيت أخوهم .. أدري إن هذي طيبة لدرجة الهبالة بس إش أسوي هذي طبيعتي ..
عمتي تدق فيني وتمدح بناتها وحريم الناس قدام زوجي ... وأنا ولا أحرك ساكن ...
وشغالتي لا جيت مسافرة عند أهلي أخليها مع عمتي.. وبناتها ولا يفكرون مجرد تفكير إنهم يجون عندها لو ما أخلي الشغالة حقتي .. أما إذا خليتها عادي يجون ... وأنا على تعبي بناتي كسروني في السيارة الله يحفظهم ويقعدون يبكون ويضاربوا مع أخوهم ... وكل هذا تضحية قلت أتعاون معاهم عشان يتعاونوا معايه بعدين ....
وأمس قلت ماصدقت يجي الربوع وأعطل هاليومين وقلت بسافر عند أمي أحس باموت من شوقي لها والوحدة ذبحتني ... إلا أكتشف إن أخت زوجي كلمت شغالتي قالت أقعدي عند أمي .... طيب أنا وين ماتكلمني وتطلب مني هالشي ... يعني قصدها حتى شغالتي مو ملكي ... اللي أنا جايبتها واعطيها راتبها من راتبي ... وهي تبي شغالتها تقعد عندها وشغالة غيرها تقعد عند أمها ... عاد أنا اتجننت ... ولا أحد قال كلمة حق ... وجلست أبكي طول البارح والحين باموت من القهر ...والله إن القهر أشد من المرض... المشكلة ماقد أخذت شغالتي معي أبداً دايماً معاها
وقلت باخذها هذي المرة عشان أستانس مع اهلي وتقعد تداري أولادي ...
إيش رايكم يابنات أنا معي حق والا لا...المصيبة الأدهى ماحد كلمني والا عبرني .. معطينني طناش على طيبتي طول الزمن معاهم .... والله ثم والله ما اعتقد فيه حرمة بطيبتي مع أهل زوجها بس ليش يعاملوني كذا ما أدري

الله يخليكم وقفوا معي وقولوا لي رايكم بصراحة ....معليش على الهذرة اللي بدون فايدة ...والله بس حبيت أفضفض
على فكرة ترى ماسافرت بعد اللي حصل ...بس برضه ماحد فكر فيني ....:icon36::icon36::icon36: