um hana2 :

بعناه الي استأجر الشقه بعدنا اخذها بالاثاث والحمدلله ماكملنا نصه اصلا ومواعيني نصها عند اهلي وبعضها الي ما القاها هنا اخذتها ولا تاخذين معك شي كثير ترا العفش يغثثثثثثثثثثثثثثثثثثثثث وقت السفر والنقل

بعناه الي استأجر الشقه بعدنا اخذها بالاثاث والحمدلله ماكملنا نصه اصلا ومواعيني نصها عند اهلي...

ام _الحلوين :

احنا غربتنا 5 سنوات عشان كذا بعناه ومافكرنا اننا نخزنه مع ان الاثاث جديد وفخم بس اعلنا عنه وزوجي يعرف لبناني وسوري وقالهم عن الاثاث وهم بلغو اصدقاءهم وقالهم انه جديد وان راح نبيعه عشان البعثه وحددنا يوم يجون فيه عاد جو في هذاك اليوم 8 عوايل والحمدلله انباع الاثاث وما انبخسنا فيه كثير والباقي كله جت جمعيه وتصدقنا فيه اشياء المطبخ كنت توني مجهزه اشياء جديده عشان الولاده والنفاس عطيتها امي واختي والباقي كله تصدقت فيه اما ملابسي الزينه عند اهلي وشي جبته معي والصور والاشياء الخاصه حطيتها بشنطه عند اهل زوجي الذهب حطيته بالبنك احفضله وسلامتك

احنا غربتنا 5 سنوات عشان كذا بعناه ومافكرنا اننا نخزنه مع ان الاثاث جديد وفخم بس اعلنا عنه وزوجي...

ايثارلي :

أنا الرياض والمستودع السنة 5000 ريال يغلفون غرف النوم والمكتبات بغلاف سميك والاواني والتحف حطيتها بكراتين وغطيتها بجرايد وقفلتها زين والمفارش الغالية أخذت أكياس المفارش وحطيتها فيها طبعا في المستودع يغطوها بكيس كبيرسميك علشان ماتخرب كل أغراضكم طبعاً يعطوكم ورقة تسجلو عليها الاغراض الي رح تتخزن عندهم من ادوات كهربايئة تذكريها وعدد التلفزيونات وسيفرات ودفايات الكهرب والسجادات ويوقعو عليها طبعاً لن اي شي ينقص هم المسولين طبعاً في كثير ناس مبتعثين وتاركين أثاثهم وفي حده أعرفها تركو أثاثهم جلسو 4 سنوات ورجعو استلمو عادي مافي اي شي وشجعتني على ترك أثاثي في مستودع لن اغراضي جديدة وحاولنا نبيعها تطلعت كل أثاثنا تخيلي 7 مكيفات أسبلت وعادي غسالة أتوماتيك و2ثلاجة وفرن كهربائي و2طقم كنبات وغرفة نومي غرفة نوم بناتي وغرفة نوم ولدي وسجادات ودولاب مطبخ ادوات المطبخ ب6000الف ريال تخيلي وأثاثنا مكلفنا كثير رجعنا بطلنا البيع وتركناها في المخزن تعرفي المبتعث يرجع مفلس لابيت ولاسيارة على القليلة يكون الاثاث موجود طبعاً راح تلاقوالهم أعلانات في مجلة الوسيلة أتصلو عليهم وشفو اسعارهم ونصيحة أذا كان اثاثكم حلو لاتبيعون لن ماراح جيكم بسعر حطوه في مستودع ونسيت أقولك ياخذو منكم 2500 والباقي أذاأستلمتو العفش والله يوفقكم ويكتب لكم مافية الخير كم راح مدة بعثتكم

أنا الرياض والمستودع السنة 5000 ريال يغلفون غرف النوم والمكتبات بغلاف سميك والاواني والتحف...

شمــاليه :

حنا خزنا عند دار الاتجاهات بالرياض خزنا غرفة النوم لاني لو بعتها بنبيعها بخساره وهي غاليه وعاجبتني مالها سنتين والمطبخ باغراضه والاجهزه اما الكنب تبرعنا فيه للجمعيه ويجون يغلفون لك كل شي وماتتعبين هم يفككون ويرتبون ويغلفون ويحطونه بكراتين وعليه ضمان بعد لو ينكسر اي شي هم اللي يدفعون تعويض والسنه التخزين بثلاث الاف على حسب ماشافوا اثاثنا كان غرفة نوم ومطبخ مع اغراضه ومكتبتين واجهزه وغساله ومكيفات وتحف وغيره اذكر ان سعرهم مره زين على خدمتهم طبعا الصور والملابس حطيتها عند اهلي

حنا خزنا عند دار الاتجاهات بالرياض خزنا غرفة النوم لاني لو بعتها بنبيعها بخساره وهي غاليه...