إيش شعورك آذا كل ما دخلتي المطبخ أم زوجك تسألك "ماذا تفعلين؟"

السلام عليكم ورحمة الله وبركاته.. كيفكم بنات.. إن شاء الله طيبين..
بنات.. بعطيكم لمحة عن حياتي عشان تقدرون تشسيون الصورة بشكل أفضل.. أنا متزوجة من ولد وحيد أمه.. وأم زوجي مريضة ومقعدة ومنفصلة عن عمي.. يوم تزوجنا كل واحد كان في بيته.. بس بعدين ساء وضعها وحولنا إحنا واياها في بيت مشترك.. انا الآن صار لي متزوجة 3 سنوات وبدون أطفال.. وتعرضت لضغط كبير بسبه هالشي بس هذا مو موضوعنا.. أم زوجي صحيح إنها مريضة ومقعدة.. بس من النوع اللي يدقق على الصغيرة والكبيرة.. وهي كانت موظفة ومتعلمة.. فمافي شي تطوفه أبد.. تبغى تعرف كل شي.، كل شي.. في البداية كانت تبغى هي اللي تصرف على البيت وأنا إذا احتجت شي أقولها إيش ناقصني.. وما تبغى زوجي يشارك في المصروف.. وفي المقابل كانت تبغاني أصير المسؤولة في البيت عن كل شي.. وكانت تقعد للشغالات وكل يوم وحدة رايحة ووحدة جاية.. وفي الوقت اللي مافيه شغالة انا أقوم مقام الشغالة إلين تجي وحدة ثانية....مشكلتها تدقق على كل شي وتبغى كل شي على طريقتها.. وأي أحد يدخل المطبخ لازم تعرف إيش سوى.. بحكم إن المطبخ حقها هو اللي نستخدمه ومطبخي لسه مرفوع في الكراتين إلين نحول بيت أوسع.. كل ما دخلت سألتني ماذا تفعلين؟ أو تسأل الشغالة عني إيش بتسوي؟ ولو إذاو سويت أكل لازم آكل بجنبها بحكم إن غرفتها بجنب المطبخ.. أنا في البداية كنت أغصب على نفسي وأجلس.. بعدين قالتلي شي خلاني ما أقدر استخدم المطبخ ولا أدخله إلا آذا زوجي بيآكل.. أما لنفسي لا.. قالتلها لي صريحة.. الشغالات مافي حل معاهم.. إيش رآيك أعطيك أكثر من اللي أعطيه للشغالة وأجيب بنت صغيرة تساعدك في شغل البيت "شغالة" وانتي تنتبهيلي.. ويبرد على قلبي المبلغ اللي يروح لك.. أنا وقتها جاتني حالة خوف ورعب وصدمة.. وقلت لها لا.. هذا الشي يا يجي من حالة يا ما يجي.. وقلت لزوجي بعدها بيومين انفجع.. بس ماقدر يقول شي لأنها أمه.. المهم يا بنات.. أنا صار لي شهرين ما أكل إلا تونة وجبنة بأشكالها وبسكويتات.. وكرهت المطبخ من بعد هالموقف لأني حاسة إني لو أخذت من المطبخ لازم أعطي مقابل وأصير شغالة لأم زوجي.. وموضوع إنها تسأل كل مادخلت المطبخ إيش بأساوي محسسني بضيقة وماني قادرة آخذ راإحتي.. بنات أقسم بالله هذا اللي صار وما افتريت على أم زوجي في شي.. فهل أنا غلطانة؟ وهل شعوري هذا طبيعي؟ وبعدين هل وضوع إني ماعاد صرت أطبخ ولا آكل مع أم زوجي إلا إذا زوجي بيآكل معانا صح ولا غلط؟ وكيف أوضح لها إني ما أحب لما تسأل أحد يسألني إيش بأساوي
معليش طولت عليكم.. بس قولولي رآيكم وما راح أزعل.. وادعولي إنا ننقل كل واحد ببيت في القريب العاجل.. بجنب بعض بس مو مع بعض.. يارب