حلمي بدأ يتحقق :

طيب  هل الافرازات البيضاء المخاطيه الكثيفة علامة من علامات انفتاح الرحم والولادة ؟؟؟؟

طيب  هل الافرازات البيضاء المخاطيه الكثيفة علامة من علامات انفتاح الرحم والولادة ؟؟؟؟

مووون E :

انا اول ولادة ليا كملت التاسع واخدت 10 ايام من العاشر والرحم 1 سانتي بس وعملولي تحريض وادوني طلق صناعي وجلست 12 ساعه الين ولدت وسبحان الله كانت ولاده عسيره وفي اخر دقايق كانو راح يدخلوني عمليه الا انو ربي سهلها الحمدلله على الصحه والعافيه بس بنات مابدي اخوفكم والله العظيم انو الولادة التانية كانت سبحان الله جدا غريبه وداااايم احمدالله واشكره انه سهلها ليا وستر عليا قبل الولاده بيومين رحت كشفت وكان الرحم مفتوح 3 سم وقالتلي الدكتور اليوم بالليل او بكره بالكتير تولدي ان شاء الله ووصتني امشي اتذكر يوم الولاده كان زوجي يقلي تعالي اخليكي تمشي في المستشفى عشان اول ماتجيكي الولاده يلحقوكي كنت اقله الله يخليك مابدي يجيني الهم حرام عليك نفسيتي تتعب كنت اقله بإستهزاء انتا اشبك تحسب الولاده النونو يخرج زلط المهم مشيت ورجعت البيت وكلي نوم وجلست ادعي يارب ماتجيني ولاده دحين عندي نوم انام بعدين اولد تخيلو والله العظيم لبست بجامتي ونومت ولدي وقفلت اللمبات الا زوجي يقلي الله يسعدك وامنتك بالله ووووووو تعالي نروح بس نكشف ونتطمن ونرجع واتشادينا بالكلااااااام لانو ماكان عندي ولا الم الحمدلله المهم رضخت لطلبه وقمت غيرت ملابسي ورحنا وانا نازله عند باب السيارة الا تجيني ديك المغصه اللي لفت راسي الم لايحتمل خصوصا انا في ولادتي الاولى ماحسيت ولاعرفت ايش يعني طلق طبيعي المهم تاني طلقة جاتني لما دخلت السياره واستمرت الطلقات ورا بعض بطريقة ماهي طبيعية والحمدلله المستشفى ماكان بيني وبينها الا اقل من 3 دقايق وادخل يقولولي مين دكتورتك نناديها اقلهم ابغا ابرة ظهر اول كنت خايفه الرحم يفتح لما 6 سم بعدين مايرضو يدوني هيا كان همي بس اوقف الالم دخلوني وجات الدكتوره المناوبه قاست الا طلع ماشاء الله 9 سم متخيلين الموضوع ماقالتلي كدا الا جاتني ديك النفاضة والرجفه اللي ماقدرت اتحكم فيها وسارو يجرو يجهزو الغرفه مافي ربع ساعه الا وانا ولدت ماشاء الله الصلاة ع النبي ا اتذكر كلمت اختي قبل مااخرج من البيت وانا ماشاء الله مافيا حاجه واقل من ساعه وكلمتها تاني وانا اقلها ترا ولدت وهيا تتريق تحسبني امزح بس لما سمعت صوت البيبي والاصوات سارت تبكييييي ووزوجي اول ماخلصت ولاده قلي ها كيف انتا تحسب الولاده كدا زلط ههههه بركه ماولدت في الطريق لا وكنت اقله قبل نحرج من البيت تعال نودي اول ولدي عند ماما بعدين نروح ماكتبت الحكاية عشان تخافو او اجبلكم الرعب نصيحتي لكم في التاسع حاولي تراجعي في المستشفى دايم ولو كان فيه بوادر انو الرحم اتفتح انتبهو لحالكم وروحو امشو في المستشفى ههههه لابجد لاتقولو مابدنا نروح عشان الفحص مؤلم معليش كلها فتره وتعدي المهم الواحد يتطمن على نفسه والولاده تساهييييل من ربنا الله يسهل ولادة كل حامل يااارب ويحرسها هيا ونونتها

انا اول ولادة ليا كملت التاسع واخدت 10 ايام من العاشر والرحم 1 سانتي بس وعملولي تحريض وادوني طلق...