انا مفكره اذا خرجت من المستشفى اشتري صينية شوكولاته وتمريه
ومكسرات والتوزيعات اشتريت كتيبات من وحده بالاستقرام حجمها صغير ومفيده ناويه اربطها بشريط مناسب
وارتبها بكرتون او فازه كبيره ..

الحمد لله الذي عافانا
بدل ماتتدلع الوحده بنفاسها ... وتتسدح والكل يخدمها ويقدم لها ويهدي لها .. صارت هي تدلع ضيوفها . عكستوا العادات واتعبتوا انفسكم

ترا الحريم الحين يحملون عشان الاستقبال بالمستشفى الفلاني والصبابات والكشخه والتقديمات والمفرش بالسعر الغالي جدا مو عشان الضنى اللهم لك الحمد ناس تتمنى الضنى وناس ماتحمد ربها على النعمه لو تزورون مستشفى الحبيب أو 
المملكة على المغرب شوفو الزوار حسيته فندق مو مستشفى لبسهم والكعوب والعطر يمشي وراها متر والمكياج عشان تزور استقبال والده وفي الأجنحة الثانية ناس تأن وتون من المرض والحمدلله على العقل والنعمه الله لايسخط علينا 

الحمدلله الحين انا اللي اولد وانا اللي اضيفهم ؟؟
لاوالله احنا الوالد ماتتكلف ابد ..تسوي قهوتها وشاهيها والضيوف يجيبون هالاشياء والهدايا ..
فرحانين بسلامتها ..
لكن وقت طلوعها والتمايم هذا علينا ..؟

اي والله صدق
هذي المفروض قبل تفكر بالحمل تجهز فلوسها ومصاريف اللي بيجونها..