إيـــــــش رايكــــــــــــــــــــم ؟؟؟؟؟؟؟؟؟؟

السلام عليكم....
وحدة عمرها 35 سنة غير متزوجة غصب عنها كيف ؟ أبقولكم........
تقول من كان عمري 19 سنة تقدملي كثييير مافيهم عيب .. وأنا كنت بنوتة جميلة وعلى أخلاق وبنت حمايل .. كثير من الامهات تُعجب فيني وتخطبني لولدها , على مناصب عالية منهم الدكتور ومنهم الطيار ومنهم المعيد في الجامعة وأقلهم المدرس...
المهم تقول من كنت صغيرة إذا انخطبت تجيني حالة إكتئاب فظيعة أبدأ أبكي ولا آكل وانطوي بغرفتي ولا أنام يعني حالتي تتدهور مررررة ....حتى أرد بالرفض على هذا العريس مع استغراب الأهل وغضبهم أنا مازالت الحالة تجيني وما أرتاح حتى أرفض..وبعد الرفض أرجع لحالتي الطبيعية!!
أنا الآن متقدم لي دكتور زوجته متوفية وعنده 5 أولاد أكبرهم في الثانوية وأصغرهم 4سنوات
راغب فيني مرة لما سمع عن أخلاقي وديني ومستعجل يبغى الرد...
أنا نفس حالة الإكتئاب جتني.. أفكر بالرفض بشدة وأحاول أحط أولاده عذر قدام أهلي وبنفس الوقت عمري تقدم كثيير والفرص ما راح تتكرر.
ظروفي جداً صعبة امي مريضة أقوم برعايتها من 10 سنين تقريباً وماعندها أحد غيري في البيت أخوتي جميعم الأكبر والأصغر مني متزوجين... ومو هاين علي أتركها لوحدها ( أحبها ومتعلقة فيها بشكل مو طبيعي كأني طفلة )هي عادي عندها وتتمنى أتزوج بس أنا خايفة عليها وخايفة ما أتوفق خاصة وهو ساكن بمدينة ثانية بعيده عن مدينتي 400 كلم تقريباً
امي الله يطول بعمرها مادلعتني زيادة أو عاملتني معاملة خاصة بالعكس مدلعه ولدها الصغير وتاركتني وأي مشكلة والثانية تجرحني أنتي ماتزوجتي اطلعي من البيت وفكيني منك مع إني أذبح نفسي بخدمتها أحياناً كثييرة ما أنام الليل عشان مرضها بس لحظتها تدعيلي ومن بكرة ترجع تمشكل معاي
باختصار حياتي ماتسر عدو ولا صديق لانيب متزوجة ورافعة نفسي عن منة اخواني ولانيب جالسة ومدلعة وكلمتي أمر ودي أتزوج وأرتاح من هالذل بس قسم بلله غصب عني أرفض تعباااانة.. مادري إيش أسوي؟؟؟؟؟ أبغى حل شيروا علي الله يجزاكم الجنة
هذي الرسالة جتني وصاحبتها تبيني أعرضها عليكم,, لاتبخلوا بالرد بأسرع وقت الله يعطيكم العافية...:(