السلام عليكم ورحمة الله وبركاته
كيف الحال يابنات إن شاء الله الجميع بخير وصحة :26:
إيدام الفاصوليا البيضاء إيددددام رهيب وماينشبع منه ماشاء الله لاقوة إلا بلله
طبعا اهم شئ بإيدام الفاصوليا انك تنقعي الفاصوليا على الأقل 18 ساعة وهذا الكلام كلام أطباء لأن الفاصوليا البيضاء اذا ماتنقعت هاذي المدة انها والعياذ بلله ممكن أنها تعلم أمراض الله يكفينا شر الامراض يارب المهم بعد ماتنقعيها بيطلع لك على سطح الزبدية الي ناقعة فيها الفاصوليا حبات من نفس الفاصوليا مكرمشة وشكلها مو كويس غير الباقي هاذي على طول طلعيها علشانها اصلا ماراح تستوي وثانيا لأن أكلها مضر والله اعلم :)
نبدأ بالطريقة والمقادير
تحمسي البصل بشوية زيت ومعاه قليل ثوم مطحون إنتم ممكن تكثروا بصل اكثر من الصورة لكن علشان زوجي مايحب البصل كثير علشان كذا ماكثروا
تحطي اللحمة على البصل وتقلبيها شوية وبعدها تحطي الفاصوليا عليها وكذا تقلبيها وبعد كذا تحطي الصلصلة على حسب الرغبة يعني ملعقتين اكل اكثر بكيفك وتحطي الابازير الي هي (كمون ، فلفل أسود ، هيل مطحون) وتقلبيهم مثل الصورة طبعا يابنات هذا كله عملته بقدر الضغط الفاصوليا البيضا تآخذ وقت فأفضل شئ تحطيه بقدر الضغط
وتحطي موية حارة عليها تغطيها وزيادة كمان علشان لاتتلسع عليك (تنحرق) اهم شئ لاتكثريه بزيادة علشان يجي الايدام محكور
وهنا خلص وقت القدر
يتـــــــــبع
تسلم اليد اللي عملتها
وكملي انا مستنيه...