اأخوي وقفوا شوي..وخواتي ماويه وشام وجميع خواتي ..رايكم ونصائحكم....

السلام عليكم ورحمة الله وبركاته...

راح أطول في كلامي..بس أرجوكم أمانة أقروا هالقصه وقولوا لي نصيحتكم ورايكم أرجوكم....

طبعا المشكله مو مشكلة البنت اللي قالت لي عن القصه.. .. هي مشكلة وحده من صديقاتها..وهي ما كانت تعرف بالرغم من أنهم صديقات من زمان...وتريد تساعدها وتخفف عنها....وطبعا جاء ببالي أنا أعرض هالمشكله هنا...

تقول هالصديقه ما كانت من هالنوعيه.... بالعكس كانت بريئه..صحيح ما كانت ملتزمه كثيربس مو أنها توصل لهالدرجه...

هالصديقه بعد ما خلصت دراستها ...أشتغلت...

المهم تعرفت على واحد أكبر منها بشوي..وبدت رحلة الشيطان والضياع...نست كل شي حتى يمكن ربها...حبت هالشاب والشاب وضح لها من أول أنه ما يقدر يتزوجها بس ممكن يكونوا أصدقاء..وافقت على أساس يمكن العلاقه تتوطد أكثر وبيغير رأيه..بس طبعا مستحيل...أستمرت هالعلاقه تقريبا لفتره طويله تقريبا ..وفي هالعلاقه سوت كل الحرام حتى الزنا!! كانت تتطلع من وراء أهلها...يعني ماعرف من وين جابت هالجرأه....زنت وحملت وبطريقه ساعدها تتخلص من الحمل الحرام...
يعني سوت كثير من الحرام معها..لدرجه حياتهم كانت مثل الزوج وزوجه...

بعد فتره من هالعلاقه تزوج الشاب من وحده ثانيه...دارت بهالدنيا.. لأنها وايد كان متعلقه فيه..كانت عمياء ما تشوف شي غيره هو...

المهم قررت تنساه وتبدا حياتها من جديد...بس ياليت تبدأ حياه نظيفه..لا أنتقلت من علاقه لعلاقه....

كانت تائهه لأنها كانت بعيده من رب العالمين..تعيش حياه زفته من غير طعم ولا لون....صارت مثل جسد بس تتحرك.....وصلت لمرحله كرهت نفسها وأحتقرتها......

وتعرفت على صديقه متدينه وعن طريقها بدت تتغير شوي شوي...صارت تصلي وتحاول تبتعد عن الحرام شوي شوي...وبالفعل قدرت...

الحين هي ندمانه أشد ندم... بس بعدها تكره حياتها كلما ما تذكرت حياتها السابقه والمشينه...

تقول زميلتي..صدقيني تغيرت كثير بدت تصلي وتصوم حتى أيام العاديه غير رمضان تصوم فيهم..وتقوم الليل وتقرأ القران... وتتصدق .وكل اللي تريده من رب العالمين يغفر لها ويتقبل توبتها....

وناويه بتروح العمره...لأنها تريد تبدأ حياه جديده وصفحه جديده مع رب العالمين ومع أمها وكل الناس...
وتدعي ربها أن يغفر لها.....

بس تقول بعدها مو مرتاحه أبد أبد..تحس ربها ما ممكن يتقبل توبتها ويغفر لها...وتقول تخاف تدخل النار..

وتقول هي تتمنى أنه يكون لها زوج وبيت اطفال..بس بعدين تقول لا مو من حقي..مو من حقي أحلم بهذي الأشياء أبد أبد..تقول أنهامو مثل بقية البنات..

وقالت شو رايج وبشو تنصحيها؟؟ أنا بصراحه ما قدرت شو أقول .... بس قلت لها أن الله غفور الرحيم..وأهم شي تكون توبتها صادقه وما ترد لهذي الامور مره ثانيه....

أنتوا شو رايكم وبشو تنصحوها...هي محتاجه لنصائح كثير..وشو ممكن تسوي أكثر عشان الله تتقرب من رب العالمين يغفر لها ....

أنتظركم ردودكم.....

وأسفه عالاطاله...