السلااااااااااااام عليكم
والله ما اعرف كيف ابدء ...بس ابي اي احد يساعدني
انا يا اخواتي انا اصغر وحده في اخواني و وايد فرق في السن من بيني وبي خواتي ..اقرب وحده سنا لي سبع سنوات...وطبعا معانا اخ وجوده وعدمه نفس الشي....وامي وابوي مهتميييييين في اولااااد اخواني ...وكلما تكلمت معاهم بذا الموضوع قالو لي اني انانيه وغيوره..
مشكلتي انهم دايم ضدي ما اعرف ليش ودايم يقولون لي انت ما فيج ادب ولا احترام ابد لاحد بس ليش ما اعرف ....
مع انهم ما مقصرين معاي بالفلوس ابد بس انا ما ابي فلوس ابي احس بحنان الاخوه اللي الكل يحسه والله اني ما احس باي شي اتجاه اخواني .......وافضل اكون لوحدي دايم ع اني اكون معاهم لما يتجمعون ...و شي ثاني قاهرني انهن كلهن متزوجات وانا الوحيده ما متزوجه مع اني في ناس وايد تقدمو لي بس ما يخبروني علشان دراستي......
والله احس اني وحيده مع اني ما بنكر ان اشوي لساني طويل هاهاهاهاهاهاي
ارجو من ذاوت النفوس الرحيمه تساااااااااااااعدني
ana_w_bss @ana_w_bss
عضوة جديدة
يلزم عليك تسجيل الدخول أولًا لكتابة تعليق.
وسعي صدرك وأختلطي مع أهلك وستمتعي بالصرف ووفري الحنان مع زوجك
الله يرزقني ويرزقك بالأزواج الصالحين وجميع بنات المسلمين آمين
الله يرزقني ويرزقك بالأزواج الصالحين وجميع بنات المسلمين آمين
الدنيا كذا يوم حلو يوم مره احمدي ربك في ناس ماعندها اهل انتي عندك والحمدالله حاول تغيرين حياتك الاحسن ولله يوفقك وقصر لسانك ههههههههههههههههههه
هذيك قلتيها لسانك طويل اجل هذي المشكله ومدام عرفتيها بيسهل العلاج قصري لسانك وحسني الفاظك وتعاملي مع الجميع باحترام وارحمي الصغير وقدري الكبير وبتشوفين النتيجه
الثريا1
•
غريبه انا خواتي الصغار من غلاهم احسهم بناتي انا عمري ثلاثين سنه تزوجت صغيره مره وعندي سبع خوات وكلهم اصغر مني بس الغار اموت فيهم لو يبون روحي مااقول لا تدرين ليش لانهم يتقربون مني يحكون لي همومهم ومشاكلهم تصدقين اني اقرب لهم من امي ترا خواتك يموتون فيك بس اكيد انتي في مرحله تكون الوحده حساسيتها زايده ياقلبي عيشي حياتك استمتعي بعمرك تقربي من خواتك وحبيهم ولا تضيقي صدرك ابد
الصفحة الأخيرة
اكيد هم يحبونك بس ماقدرو يوصلون هالشي لك خاصه انك تقولين انك ماتحبين تقعدين مع احدو دايم لحالك
لاتكونين انطوائيه ,,
ولسانك لاتطولينه مهما كان هم اكبر منك لازم الاحترام عشان تحصلين على العطف والحب
دعواتي لك حبيبتي