ااااااااااااااااة من احلامى رحمتك يا رب

السلام عليكم ورحمة الله وبركاتة

فى بعض الاوقات بيكون قدام عنينا الحقيقة واضحة لكن علشان احلامنا ممكن نشوفها غير حقيقتها
متهايالى دة اللى حصل معايا
عارفة انكم مش فاهمين كلامى
طيب اوضح اكتر
انا حامل الحمد لله فى الشهر السادس وربنا اكرمنى قبل كدة ببنوتان فطبعا بتمنى من ربنا يرزقنى المرة دى الولد الصالح
من بداية الشهر الحمل وانا ابحث عن كل شئ فى النت يدل على الحمل بولد كتيررر من الاعراض اللى عندى متطابقة مع الحمل بولد حتى احلامى كلها تقول ان ان شاء الله ولد
من اخر الشهر الرابع بدات رحلة سعيى للكشف بالسونار لمعرفة النوع لكن للاسف الجنين كان مقعدى ومعرفتش النوع رحت اكتر من مرة لاكتر من دكتور وكلهم قالو الوضع مش مبين النوع
صبرت لحد ما دخلت الشهر السادس وعملت سونار لكن حسة انى لسة معرفتش حاجة او يمكن عاوزة احسن انى لسة معرفتش
عاوزة اقول انى هقول لكم كلام الدكتور وهم فى الحقيقة 2 دكاترة فى اماكن مختلفة
عاوزكم تقولو لى انا حامل فى اية بالضبط ولد ولا بنت
الدكتور الاول
قال ان تقريبا بنت لكن مش هيقدر ياكد الا المرة التانية ودة الدكتور اللى بتابع معاة علشان محدش يقول انة عاوز ياخد فلوس وخلاص اقصد اقول انى كدة كدة بروح لة متابعة يعنى مش محتاج يقولى مش باين او تعالى تانى علشان ياخد فلوس وخلاص
الدكتور التانى ودة تخصص فى الاشعة
قال ان احتمال بنت وبعد كدة قال ان فى شئ بين الرجلين يشبة اعضاء الذكر ( الخصيتان)لكن هو متوقع انها الحبل السرى
سالتة انة يجوز اعضاء ذكر لم ياكد شئ وقال كل شئ جائز وانة قال اللى شافو على قدر ما الله نور بصرة
انا محتارة بجد مش عاوزة اعلق نفسى بامل وارجع اتضايق
انا قلقانة يكون كلامهم واضح انها بنت لكن انا من كتر ما اتمنى الولد اشوف كلامهم يدل على ان لسة احتمال ولد
انا قلت لكم كلامهم بالضبط يا ريت حد يقولى انا حامل فى اية ولا هل انا فعلا كتر ما حلمت بالولد اشو اى كلام بالمقلوب
ساعدونى انا محتارة
اللهم ارضنى بما قسمت لى
اللهم ارزقنى ولدا صالحا معافا
اللهم ارزق كل مشتاق للذرية