اااااااااااااااه يابنات من قل المصروف اااااااااااااااه

اهلين بنات مدري وش اقول من جد مشكلتي مشكله
انا ياخواتي اعاني من قل المصروف اذا مو عدمه انا مغتربه ومتزوجه وعندي بيبي وزوجي الله يهديه من يوم تزوجته ماكان يصرف علي زين يعني كنت انزل السوق كل ثلاث شهور وما اشتري كل اللي ابغاه هاذا كان في اول سنه من زواجي حتى شهرالعسل مارحنا مكان حتى ما سكني في فندق وانا عروس سكني في شقه لين جيناهنا حتى صباحيه العرس ماعطاني شي واستغربت انا حتى اهلي سالوني قلتلهم ماعطاني شي وطبعا كنت مستحيه اساله عنها المهم نزلني عقب اسبوع من العرس للسوق عشان اشتري اللي ابي ووداني لمحل حلو يبيع ساعات واكسسوارات وقعد يسال عن الاسعار ولقى ان ارخص شي عقد سعره الف ريال وقالي اختاري كان فيه كذا نوع واخترت واحد مع اني ماكنت ابيه المهم سالته بعدين عن الصباحيه قالي العقد هذا هديه الصبحيه بالله عليكم عقد اكسسوار هديه عروس الله يسامحه لان كان معه بس متخسر يشتريلي الماس او على الاقل ذهب اااااه المهم يابنات مافيه تمشي ولاطلعات ولا روحات حتى لما جينا امريكا مارحنا مكان بس السوبر ماركت او السوق عقب الشين الحين على نهايه السنه الثانيه مانزلت السوق لي سبع شهور كل ماقوله ابي فلوس يقول ماعندي زهقت ماعاد اقدر اتحمل انا ماعندي مدخل رزق غيره لا وظيفه ولا فلوس بالبنك حتى اهلي ناس على قد حالهم لا واللي يقهر انهم يحسبوني مبسوطه وزوجي مدللني الشكوى لله ماابي نظرتهم تتغير له المهم شي اسمه هديه مااشوفه حتى باحلامي اللي يقهرانه حتى بالاعياد مايعطيني مصروف والله يابنات اني من يوم تزوجته لي سنتين ماتقضيت للعيد ز مثل الاوادم والناس وولده المسكين نفسي اشري له واسوي له لاكن العين بصيره واليد قصيره يوم العيد لما كلمت اهلي وعايدتهم سالوني وش لابسه وش تشريتي للعيد سكت ونزلت دمعه من عيني غصب ورقعتها المشكله بنزل الصيف للسعوديه وماباقي الا ثلاث شهور وماشريت مو معقوله البس ملابسي نفسها عقب سنه والله مفتشله وشسوي كيف ادبر فلوس وشلون اقنع زوجي ابيييييييييييي حل تعبت ومتضايقه ولازم كل ليله انا مثل اي بنت ابي البس ابي اكشخ حالي حال البنات قبل مرتاحه عندي اشتري اللي ابي وابوي ماكان مقصر رغم ضروفه بس اللحين ماعندي اي دخل مادي غير من زوجي للعلم انا تجيني مكافاه هنا تفريبا 1200 دولار والله مااخذ منها دولار الله يعين وشسوي يابنات ساااااعدوني تكفون بس لحد يدعي على زوجي مشكلتي اني احبه موووت بس مااقدر اتحمل خلااااااااااااااااااااص مااقدر
ساعدوني دبروني لو بدعوة حلوة الله يجزاكم خير ادري طولت وعندي اكثر بس يكفي كذا