كوبونات الراقية تسجيل الدخول

ماغيرها قلب ابيض

ااااااااااه نار بصدري.. طالبتكن تعالن فرجن كربتي عسى الله يفرج عنكن يوم القيامه

الأسرة والمجتمع •


السلام عليكم ورحمه الله وبركاته

يابنات مالقيت غيركم افضفضله اللي بداخلييييييييي. يمكن لاني احبكم واحس انكم تفهمون علي وتراعون مشاعري ..يابنات دموعي مو راضيه توقف يابنات كرهت نفسي وكرهت نظرات الناس اللي حولي كلهم يطالعولي اني مسكينه ... يابنات انا كبرت عمري 28سنه وداشه 29 وكل اللي يتقدمون لي اما متزوجين ويبوني الزوجه الثانيه وانا بصراحه اموت ولا اخرب على عايله ...او ان اعمارهم صغيره بيني وبينهم 5 او سبع سنين ووظيفتهم على قدهم وانا مدرسه وراتبي حلو وبنت ناس وعايله معروفه وجمالي متوسط ... المشكله كل مايجيني واحد اقول حق خواتي اخذوه انا ما ابيه لانه ماينفعني .. وهن يرفضن مستحيات مني .. عندي 3 اكبر مني متزوجات وانا الحين بعدهن ماتزوجت وتحتى خواتي 3 ...المشكله الثلاثه اللي اصغر مني مو راضيات يتزوجن الا لما اتزوج ..

قبل اسبوع جونا حريم يخطبون ومثل كل مره اللي يتقدمون اصغر مني ووظيفتهم مو شي .وبعضهم عائلتهم مو شي ..ابوي مايعطيهم عشان سمعتهم وكذا

اللــــــــــي قاهرني موووووووووووت وحده من الحريم تقولي اي مرحله تدرسين وراتبك كم؟؟؟ تبي تخطبني .... تسال عن الراتب ما استحت :mad:

تكفوووووووووووووووووووووووووووووون منو مثلي وشلون احل هالمشكله ... تعقدت :44:

يمكن في بعضكم مايحسون بمشكلتي بس والله مثل النار بصدري .. كاتمه بقلبي وما ابين للناس اي شي اضحك واسولف

بس مع هذا ولله الحمد والله اني راضيه باللي كاتبه ربي والله اني راضيه واحمد ربي كثير .. ومؤمنه ان ربي بيعطيني اللي بيستاهلني ...

بس انا مثل ماقلتلكم نظرات الناس هي اللي جارحتني :(

طالبتكم ادعولييييييييييييي بالزوج الصالح اللي يخاف الله فيني ويكون اكبر مني .... وقفوا معاي يابنات مالي غير الله ثم انتم :(
339
24K

هذا الموضوع مغلق.

لؤلؤة السما
لؤلؤة السما •
الله يفرج همك وكربك يارب
همس الوايليه
همس الوايليه •
الله يفرج همك وكربك ويرزقك بالي تتمنين
ماااعليك الا الصبردوتذكري ربي ما اخرك الا لحكمه يعلمها
اما كلام الناس ونضارتهم طنشيهم اذا فكرتي فيهم راح تتعبي
بس خليك قريبه من ربي قومي الليل واستغفري وادعي
واحسن الضن بربي انه راح يفرج كرببتك قريب ويرزقك بالي تستاااااهلينه
وربي راح ترتاحين يالغلا
هههيونه
هههيونه •
ماعندي شئ اقوله ,, الااا الله يفرج كربتك ويحقق امنيتك قريبا امين
يافعية وافتخر
يافعية وافتخر •
حبيبتي أكثري من الدعاء
ولا يهمك كلام الناس ونظراتهم امشي رافعه راسك وما يهزك احد بيني لهم انك قويه وان ما يأثر فيك شيء
الناس ما عندها سالفه غير اللق لق
وان شاء الله يرزقك الزوج الصالح اللي يخاف ربه

تحياتي
شيك ايدي
شيك ايدي •
حبيبتي الحاااال من بعضه

لو شكيت من اليوم الى باكر محد راح يفهمني

الجأي الى ربك هو حسيبك في الدنيا والاخرة