ااااااااه يابنات حسبي الله ونعم الوكيل ( وافوض امري الى الله )

السلام عليكم وصباح الخير جميعا
بليييز يابنات ارجو منكم تقرو موضوعي الاول عشان تفهمو قصتي لاني والله تعبت ومافيا اكتب من جديد. http://forum.hawaaworld.com/showthread.php?t=3994298

طبعا سمعت نصايحكم وسترت عليه ولا واجهتو أبدا عشان خاطر انو يحبني وأكرمني ولا قصر معايا بشي .. وجلست مداومة على الدعاء له بالصلاح والهداية ،، وحقيقة يابنات انا احب زوجي ولا قصرت معاه بشي اعطيتو الحب والحنان والدلع والرومانسيه ،، وكان دايم يمدح فيا ويقول ليت الحريم كلها زيك .. لكن للأسف بعد فتره اكتشفت ان زوجي المصون مسافر xxxxxxوكذب عليا انها سفرة عمل لأنو فعلا طبيعة عملو فيها سفر كثير.. المهم ومتعرف على بنات هناك وحاجز لهم فندق وفسح وتمشيه متكفل بكل شي ، اول معرفت انصددددددمت وجلست ابكي بكا مؤ طبيعي بعدها قومت صليت ودعيت الله ان يربط على قلبي ويهدي زوجي وارتحت شويه بعدين قولت خلاص طالما هو رجع ليش افتح الموضوع من جديد ،، المشكله واللي قاهرني انو اول مارجع كان مشتاق ليا مرررره ومو عارف ايش يقول ممن كلام الحب اللي سمعتو شافين التناقض العجيب اللي بزوجي .. قولت نزوة وتعدي ومدام راجع ليا مشتاق أكيد ندمان عاللي سواه ،، خصوصا ان زوجي انسان محترم وعاقل وكل الناس تقدرو وتشهد بصلاحو وثقلو ولاحبيت احسسو انو طاح من عيني وانو انسان وقح وقذر وتوصل فيه هذي المواصيل .. واستمريت بالدعااااء له بكل صلاة ان يهديه ويبعد عنو الحرام والحمدلله ما أشوف اي تغير فيه لكن قبل يومين قلتلو عندنا عرس باجازه الحج لازم نحضر قال صح انا مقالتك قلت ايش قال انا عندي سفرة عمل ضروري انا هنا ولعععععت وحسيت انو يكذب عليا روحت قلتلو كيف وهذي اجازة رسمية اي عمل وأي بطيخ وجلس يقول عيب عليك انا ماخذ رأيك انتي المفروض تحترمني عملي وتوقفي جملي روحت رديت عليه انت انسان مؤ طبيعي ومتغير عليا وحاسه في شي مخبيه وروحت نمت .. بعد كذه قررت افتش وأشوف هل فعلا سفرة عمل لكن الصاااااااعقه وزي ماكنت متوقعه مخطط يسافر xxxxxxxxxمره ثانيه لا المصيبة مؤ هنا بس
كمان متعرف على بنات وقايلهم انو مطلق ويبغى صداقة وانو متكفل بجميع المصاريف فنادق وتمشيه ااااااااه بس من ساعتها ونا حاسه نفسي حنفجر ولاقادرة أنام وبكره عندي دواااام
بالله عليكم ايش اسووووووي أواجهه طيب كيف
ما واجهتو بـ البدايه عشان أحافظ على ثقتي فيه ولا احسسو انو طاح من عيني بس ماني قادره أتحمل احس زودها وشكلو خلاص بيتعود
ارجووووكم ساعدوني قبل ما أتصرف وعلى فكره زوجي مؤ زي بقية الرجال ممكن يعترف او كذه لا مستحييييييييل لأنو انسان قدوة بين اخوانو ومستحيل احد يصدق انو يسوي كذه
كلامي ملخبط المعذرة لكن من جد انا تعببببببببببببببت ومحتاجة مساعدة او رأي سديد
ويعطيكم العافيه