بدخل في الموضوع على طوووول
زوجي من النوع اللي يمسك الكلمة والحركة وكل شي و دايما يعيب علي ويتطنز وانا احاول ارقع لانه من النوع اللي يذكر الموقف جدام اهله والناس عااااادي عنده
المهم من كم يوم كنا بمستشفى خاص والا وحده باكستانيه جمالها مهوب طبيعي لابسه عباية كتف من غير طرحه
وشعرها ايش كثافه وايش نعومه وايش لون ماشاء الله تبارك الرحمن وطويله وصافيه ومرتزة
جلست جنبيييييي:angry2:
وانا خلوها على الله اصلا ماطلعت من البيت الا توني جالسه من النوم واخينا بالله عارف شكلي كيف صاير تحت العبايه:06:
البنت الباكستانيه تتكلم انجليزي بطلاقه وانا من جمالها احترت منين هالبنت جمالها سبحان الذي خلقها
قلت يابنت اضربي عصفورين بحجر واساليها بانجليزي انتي منين <<<<<<<مالت عليك وعلى الانجليزي اللي تعرفينه ليتك ساكته ابرك
قلت لنفسي منها تعرفين وش مصدر هالجمال وفي الطريق زوجك يشوف ان حتى انتي ماعليك قاصر وتتكلمين انجليزي بطلاقه مهوب بس هي
قمت قلت لها بصوت واضح عشان زوجي يسمع
اكسكيوزمي يعني لوسمحتي <<<<< هذا اللي فلحت فيه من ايام المتوسط
قلت لها
ميد ان وت ؟؟
:eek:
بدال ما اقولها انتي منين قلت لها انتي وش صناعتك وليتني ركبت الجمله صح زوجي فهم انا وش ابي اعرف
قام قاللي وهو وجهه محرج ومعصب انتي هي وش هاللقافه بتتقصين على الحرمه اعرفي تكلمي زي الناس بالاول وصار يعتذر من هالبنت وطق السوالف معاها
وانا ساكته شوي واصيح من القهر اصلا مالي وجه اتكلم
والبنت لما قامت تتكلم زاد جمالها ابتسامتها خياااااااااااااااااااال اسنهانها حلوة
وانا مالت علي قاعده متكمكمه في ذالعبايه وحارقه نفسي من القهر
ورغم اني جالسه بالوسط بينهم بس ماشالله عليه ماتعب وهو يكلمها ومنحني عشان يشوفها
ومن هذاك اليوم يتطنز علي ومابقى احد ماقاله عن موقفي وعن الصناعه
بنات انا ادري تصرفي غلط لاتقولونلي كان سكتتي والا كان مارحتي مستشفى خاص خلاص هي جات كذا
كيف ارقع الحيييييييييييييييييييين
احلام طفولة @ahlam_tfol
محررة
يلزم عليك تسجيل الدخول أولًا لكتابة تعليق.
انسي السالفه كلها وش بتسوين انتهينا مايترقع الموضوع ربي معاكي مالك غير الصبرانسي السالفه كلها وش بتسوين انتهينا مايترقع الموضوع ربي معاكي مالك غير الصبر
ولا يهمك ولا يشكل عليك
والله اللي يدور أكيد بيلقى زلات
أهم شيء خلك واثقة من نفسك قدامه وقولي طيب غلطت وانتهينا
بس حاولي تتعلمي تتكلمي أكثر اشتغلي ع نفسك يعني
وهو كأنه ما انخلق
والله اللي يدور أكيد بيلقى زلات
أهم شيء خلك واثقة من نفسك قدامه وقولي طيب غلطت وانتهينا
بس حاولي تتعلمي تتكلمي أكثر اشتغلي ع نفسك يعني
وهو كأنه ما انخلق
الصفحة الأخيرة
الله يسخره لك