ااااااخ يااخوي ياعزي وعزوتي....

السلام عليكم ورحمه الله وبركاته...

سبق وكتب موضوع عن هالشي وانتو نصحتوني وارشدتوني ولكن للاسف لافايده...

احنا 4 خوات و2اخوان...اخوي الي اكبر مني من سافر واغترب تغير ماتقولو الكل يغترب ويتغير اقولكم لا بالعكس...المفروض يزيد الشوق والحب...

المهم احس بغصه بقلبي منه لي سنه و6اشهر ماسمعت صوته غير لما ولدت وبعيد عرفه بس كلمتين....حتى يمكن مايعرف اسماء اولادي...

وممكن لو زوجته واخوي ماكلموه يتصل فيني يعيد عليا ماكان اتصل....

اتذكر ايام الطفوله وكيف الوالد كان يلم شملنا وكنا نموت في بعض وعشنا سنين مع بعض واكلنا بنفس المائده وتربينا وطلعنا من بطن واحده...

طيب ليه الناس تتغير كذا...والمفروض انا اخته الصغيره وعايشه بغربه مثلي مثله مايضر لو يدق عليا حتى بالشهر مره...وطبعا مره عرفت ولده تعبان بادرت واتصلت ولا مجييييب وارسلت وشاف وسكر وكانه مايعرفني....


حاقد علي حقد ويكره زوجي بشكل فضيع رغم انه سافر واحنا مملكين وماكان يعرفه...بس لانخ يسمع عنه كل خير ويدري كيف انه لنسان مستقيم ويخاف الله وطايع والديه....وطبعا وصلي هالشي من مصدر ثقه وانا ماعلي طز يحب زوجي ولا مايحبه المهم انا ابي احس ان عندي اخواااااان سندي وظهري افتخر فيهم قدام زوجي لكن للاسف لاحياه لمن تنادي....

غير كذا قااااااطع يضل بالشهور من ابوي وامي وهم لحالهم لاانيس ولا ونيس وكمان اخذ اخوي الصغير اللي كان عندهم عشان يدرس عنده ومازاده الا تحطيم وفشل...


اذا اتصل ابوي له يقول ياالله وش يبي ذا الوقت خيييير اكيد يبي مصاريف...اتخيلوووو

وابوي مو بحاجته بس مشتاق لهم ويسال عليهم....


ممكن يضل 5 او 6 شهور مايتصل ولايدري عليهم ابوي سوا عمليتين وهو ولاداري وابوي قال لاتكلموه دامه ناسي ان عنده اب...


ابي بحاجه عمليه بالخارج ماكلف حاله يقول بعطيك مصاريف تساعدك او شي ولا كانه مسوول عنهم...

ابي وامي كبرو بحاجه اللي يراعيهم ويسال عليهم مايبو منه شي الحمدلله احنا في نعمه وخير....

مره ابوي طلب منه مبلغ لانسان محتاج ووعد ابوي يجيبها وبعدها سكر جواله فتره وغير رقمه عشان لايتواصل مع ابوي....اتخيلو ابي حس بالقهررررر والاهانه من ولده لكن يكابر ومايبين....


المهم الكلمه الطييييبه والله تعبت اختي الكبيره تكلمه وتنصحه مافي فايده...

قبل اسبوع اتصلت فيه تتوسل وتبكي وتقوله انت ابو لثلاثه اولاد منت صغير لمتى بتضيع حياتك لاتسال عن خواتك اللي من لحمك ودمك وقاطع لابوك وامك وكاسر خاطرهم لمتى .....

لمتى بتظل بدون صلاه صلي عشان ربي يوفقك صلي عشان تقوى صلتك بربك صلي يااخوي وهو سااااكت طبعا زوجته هي اللي كلمتنا وقالت كلموه وانصحوه انت تعبت وياه.....


جمالك مابينفعك ولا بيشفعلك وكل شي بيزول وهو ولا كانه بيسمع....


تقوله اختي اللي هي انا مشتاقه لك تتصل فيك وماترد هي وش سوت لك عشان كارهه وهي تحبك وتعزك وانت اخوها وسندها.....


والله اشوف زوجي كيف يعامل امه واحيانا امسك نفسي بالقوه وابكي يتصل فيها كل يومين مهتم بادق التفاصيل دراسه اخوانه عليه ومصاريفهم علاج امه عليه ومصاريفها يتصل يسالها عند مواعيدها مع الطبيب ويسمعها من هالكلام الحلو وانا مشتاق لك وانتي الخير كله وربي يطول بعمرك ويعطيها حاجتها من قبل ماتسال الله يحفظه ويبارك فيه....


اما اخوي لايدري عن هواهم ولا وش فيهم...ابي محتاااااجه يبي يرتاح يبي يشوف اولاده رافعين راسه لفوووووق وامي تقول انا ماعندي الا بناتي فيهم الخير...


طبعا اخوي الصغير اللي عنده اول ماسافر كلمته وبكيت واترجيته مايقطعني وقلت له انتبه تصير زيه انتبه يجرك وماتصلي انت جره وخليه يصلي وانصحه واتعب وراه وخليه يكون يسال ع ابوه وامه حتى مره بالشهر لاراحو اتسكر عليه باب من ابواب الجنه انا والله احبه ماابي يخسر اخرته عشان الدنيا ....

طبعا قبل 12 سنه كان مسحور والحمدلله انفك السحر وتعالج يعني الحين مافيه الا العافيه وهو يتحجج يقول ماادري ليه مااحب اتواصل معاهم ....وفي تفاصيل كثيره ماقدرت اذكرها دموعي مغرقتني....


ومهما كان هذا يظل اخووووووي الكبير عزي وعزوتي....

حبيت افضفض لكم عن الغصه اللي بقلبي