ااااااه احسس نفسي مخنوقه ادخلوا تكفون ياخياتي😞

سلام عليكم
طبعا زي م شغتوا بالعنوان وربي مخنوووقه احس بنفجر من الضيقه اللي بقلبي والمشكله م عندي احس افضفض له لا صحباات والا خوات وحيده ومالي الا الله ثم انتم خياتي💔
طبعا قد نزلت موضوع عن اهلي وكذا بس لاهنتوا اسمعوني واقروا كلامي للاخير واذا طولت بالكلام اعذروني السموحه بس اللي بقلبي بقوله..
اليوم امي شفتها كانها متضايقه وساكته مو عادتها وحتي اليوم انا كنت تعبانه بالحيل صداااع ومن نومي علطول رحت اشتغل بالبيت وامي شافتني مسكتني ضمتني وقالت روحي ارتاحي اول مره اشوفها كذا مو عادتها بالعاده تهاوش بدون سبب والللخ... المهم انا استغربت ورحت غرفتي والله مسكني الوسواس قلت بوه بلا المهم الا شوين بسرعه منربش يقول بك شي تبين المستشفى ويقومني الا يبي يوديني وانا رفض قلت مابي شين وقال خلاص ارتاحي واي شي صوتي علي والله نسيييييت اللي فيني من كثر الصدمه سكت بعدين طلعت رحت جلست بالصاله وضعهم غريب معاملتهم تغيرت وقلبي قارصني واخر شي قالوا قربي نبي نكلمك<<اي والله عارفه👀
امي مسكتني مع يدي وتمسح ع شعري تقول ادري اننا كنا نظلمك ووو حكي كثير المهم عشان لا اطول زبده الموضوع 👇
قالت يابنتي انا ابي افرح فيك قبل لا اروح وانبسط فيك انتي بنتي الوحيده بين عيال فرحت البنت غير الولد انا يوم سمعت الكلام ذا زواج تعكر مزاحي قلت ادري بس انا توي ليش العجله م جاء نصيبي تقولي شوف فلانه وفلانه اعرسوا وهم بعمرك وبنات الجماعه هم ويش احسن منك ويش ناقصك وتجلس تمدح فيني امي واخوي يقول ترا محد باقي لك احنا لاتزوجنا بنلهي مع حريمنا وشوي ابوي دخل وعرف الموضوع قال امك صادقه شوفي البنات اعرسن وانتي جالسه ع كبدي انصدمت من كلامه😢💔وجلس يتكلم وانا انقهر واخر شين قام وطلع وانا اصيح واخوي يسكتني وصارخت عليهم قلت هالشي مو بيدي واروح غرفتي واصيحححح واخوي يحاول يفتح الباب بس اخر شي فقد الامل وراح هديت ورحت كلمت خالتي اللي تعتبر قريبه مني وافضفض لها قالت وهم الصادقين وانا انهي المكالمه واكلم عمي وجدي ابيهم يشلون الفكره من راس اهلي وطبعا كان ردهم مثلهم يقلون انتي صغيره فالزواج احسن لك راح تنبسطين<<لحووول الله
المهم شوي يجي اخوي يقول ابوي وامي يبونك يقول لايشفونك بالمنظر واروح واجلس يقلون احنا اعرف بمصلحتك ترا محد دايم لك وووو كلام واجد
وامي تقول ل ابوي نكلم خطابه تشوف لها وابوي يرفض يقول شغل الخطبات لها سنتين قدام لازم تنخطب و اخوي يقول انا واحد من العيال اعرفهم يلمح ابوي ابوي انبسط وامي بعد ياووويلي يم شفت وجهها كانت زعلانه فجاء انبسطت وضمتني وانا الصدمه مكلتني
واخوي قال طبعا الراى الاول و الاخير لها والله سحبت عليم ورحت غرفتي حتى عشا مالي نفسس والله هالشي موووو بيدي شسوي وامي جتني تقول معلبك من كلام ابوي انا ابي افرح فيك الكل يسالني ليه بنتك م انخطبت واقولهم يجون بس ميجزون لها وقالت لي اذا ما جازلك رفيز اخوك شوفي خوياتك قلت يمة انا منين لي خويات وابوي حارمني منهم حتى الجوال م فيه ولا برنامج سوشل ميدا تقول عادي تعرفي بالمنتديات ع بنات وكوني صحبات وخوات لك ابوك ميعرف
اخر شي
(ياويلي تقطع قلبي ع امي واخوي احسس يبون يفرحون واضح عليهم ودي افرحهم وافرح والله زمان ع الفرح وبنفس الوقت مو بيدي
اسسفه اذا طولت عليكم المعذره هرجي كثير بس مالي احد واحتري ردودكم الله يسعدكم جميعا😞💕💔