المشكله انه ما اظن في وحده في اللي ردودهم تحريض انتبهو للايه اللي مكتوبه فوق مربع الرد

والافضل ان الوحده تمتنع عن الردود اللي تزيد من المشكله ولا الدعاوي اللي مالها داعي لانه في ملك يقول ولك مثلها

وفيه ناس تكون كاتبه مشكلتها والشياطين تتنطط قدامها يعني ممكن اي رد سلبي راح تطبقه وتندم في نهاية الامر

وبالصراحه ماله داعي ترد على اي مشكله لعدة اسباب

اولا انها ماكانت حاضره المشكله حتى تدلي بدلوها
ثانيا حكمت على المشكله واكتفت بسماع طرف واحد من اطراف المشكله

ثالثا هي ماتدري اللي عارضه المشكله ظالمه او مظلومه لانه كثرو ربع ضربني وبكى

رابعا هي ماحطت نفسها بهالموقف ولا تعرضت له عشان تحط حلول عشوائية ولا هي مستشاره اجتماعيه


يعني من الاخر

الافضل للكل انه يحفظ ماء وجهه ويمتنع عن الردود لانه لايعلم الا ماهو مكتوب امامه

بالله تخيلو لو وحده فيكم قرأة مشكلة وحده وايدتها ان الطرف الثاني غلطان وسبت ودعت



وفي النهاية تكتشف ان الطرف الثاني هيا نفسها ولا اما ولا اختها. صعبه صح