اااااسفه حبيباتي...والله نسيت اني واعدتكم بخلطات جديده...حياااااكم

- بنات سامحوني...والله نسيت...ظروف البنت اللي تقرب لي طيرت النوم من عيوني ( اللي صحيت بالعمليه القيصريه وكتبت عنها بالحمل والولاده دعواتكم لها)... وغير ان الموضوع قديم جدا ونسيته واصلا انقلوا خلطاتي من قسم البشره لهنا فما انتبهت اسمحولي باكتب لكم الخلطه هذي مؤقت وبعدين ارسل لكم الباقي..


- العده المطلوبـــــــــــــــــــــــــــــــــــــــه:

- شاور جل البودي شوب اللي بريحه المسك
- كريم او لوشن المسك اللي بلمعه خفيفه من بودي شوب
- بودره المسك من البودي شوب
- عطر المسك من البودي شوب
- سكراب لوريال الاخضر ( مهم جدا وباقول لكم ليش )
- عود الحرمين او اي عود مفضل + بخور الراقيه او اي بخور مفضل
- اي عطر مفضل ويفضل فيه مسك او ريحه المسك
- مسك العروسه من عبد الصمد القرشي
- اي دهن عود مفضل وانا شخصيا افضل من اجمل


- الطريقـــــــــــــــــــــــــه:

- اول شي تغسلين جسمك بماي حار قد ماتستحملين يعني نفس فكره الحمام المغربي ان الجلد يطرى ..وبعدين تاخذين سكراب لوريال وتفركين جسمج عدل وبحركات دائريه .. السكراب مهم جدا وانا قلت لكم باقول لكم ليش..لانه حبيباتي البشره طول اليوم تعلق فيها الاوساخ والدهون وبقايا الكريمات السابقه...ولما تفركين جسمج بالسكراب انتي تستفيدين من ناحيتين وهما:
1- اول شي النعومه الهائله للبشره
2- وانك تقومين بتهيئة البشرة لاستقبال الروايح من عطور وكريمات و.... هذا الاهم.. تثبيتها ( عرفتوا ليش السكراب مهم عندي )

- تطلعين من الحمام وتكونين مجهزة الفحم.. تدهنين جسمك بلوشن المسك من البودي شوب.. وترشين عطر المسك من نفس مجموعه البودي شوب على كل الجسم.. وتحطين مسك عبد الصمد القرشي على مناطق جسمك المختلفه خاصه الثنيات ..وبعدين توزعين دهن العود الكمبودي ..بمناطق النبض ..المعصم ..خلف الركبه.. خلف الاذن..واخر شي ترشين بودره المسك على كل جسمج..وفوقها اي عطر بريحه المسك ( ولاتنسون الظهر من الخطوات السابقه) ..وتكونين راشه عطر المسك وشوي من دهن العود الكمبودي على ملابسكم الداخليه وثيابك اللي بتلبسينها نفس الشي معطرتها.. حطي كسره عود مع نتفه بخور وتدخني ... واسمعي المديح... :) وشوفي الريحه الثااااابته وعلى ضمانتي...

بنات والله مالي نفس اكتب شي علشان الاخت اللي قلت لكم عنها بس لاجل عيونكم الغاليه كتبتها...ارجوووكم دعواتكم الصادقه انه ربي يشفيها ويقومها بالسلامه.. واوعدكم بالباقي من الخلطات..وسامحوني على التاخير..