اااااه بس ليتني ما تزوجت (هل تعتقدون الشباب يرضون ياخذون بنت مطلقه ففترة الملجه)قديم

السلام عليكم


:(


بنات وربي ضايق خلقي ليتني ما اتزوجت ولا امتلجت
هذي قصتي

انا تزوجت من شاب ونعم الشباب الكل يمدحه ف اخلاقه ودينه وتتطلقت بعد شهرين من ملجتي قبل لا تصير ليلة الدخله وربي ما اعرف ليش اتطلقت بقولكم شوه سالفة الي كان زوجي هو اكبر عني ب8سنوات تقريبن خطب وايد بنات قبلي فوووق العشرين بنت احيانن البنات يرفضونه واحيانن هو يرفضهم الله ما يكتب نصيب وفي قصه قديمه صايره معاه الله يسلمكم هو كان خاطب بنت وسلم مهرها وفي شاب ثاني كان يبي هذيج البنت فسوا سحر له عشان يودرها وهو ياخذها ويقولون السحر كان مدفون والله ما افهم فهسوالف بس هذا الي انقال لي بعد الملجه وهو تخبل من يومها بس تعالج ولله الحمد وبعدها تزوجني ويقول انا الوحيده الي عجبته من بين البنات الي تقدم لخطبتهن هو يصير اخو الي كانت صديقتي انززززززين هو كانت اتصالاته وزياراته قليله مع انه المعروف ان الشباب فبداية ملجتهم يكونوا متخبلين ع حرييمهم تميت معه شهرين وفهالشهرين زارني يمكن خمس مرات فبيتنا ولما كان يزورني كان مافي احسن منه احس فقربه اني اسعد انسانه فالكون وبس يطلع من بيتنا ينساني ويغلق تيلفونه بالاسابيع ما يسال عني وبعد فتره اتصل لاخوي وقاله تعال ابيك ضروري راحو هو واخوي للشيخ الي كان مسوي غقد القرءن والشيخ الي كان يرمس ويقول ان فلان يبي يطلق اختكم لانه مو مرتاح وياها اخوي قال كيف وشلون وهذا طلاق وعيب ومنقود عندنا ان البنت تتطلق وشو المشكله وبنحلها ووووو الي كان زوجي ما تكلم ابد ع كلام اخوي بس الشيخ الي كان يرمس ويقول فلان جاني ويبي يطلق اختكم لانها بنت يتيمه وما يبي يظلمها جاء اخوي وسالني عن زوجي قلتله والله صارلي اسبوع ما كلمته تيلفونه مغلق قالي انا الحين راجع من عندنه وهو يبي يطلقج انا بكيت بكيييييت بحراره يا ربي ليش شو سويت انا كان زين وياي ولا فعمره شكى مني من بعدها انحل الموضوع تدخلوا كثيرين ورجعت له وبشروطه مع انه وربي ولا فعمره واجهني وقالي انا هالشي ما يعجبني فيج وغيريه تفاجئت كثير لما كان يرمس فالمجلس الي فيه رجال عني يقول اني ما اسمع كلامه واني ما اعرف اطبخ ولا اعرف فشغل البيت ومسرفه وكلااااااام كثير بس ما كان فهالكلام ابد سبب مقنع للحركه الي هو سواها عشان يفكر ان يطلقني انا تضايقت كثير هو شلون يرمس عني قدام اخواني وابوه واخوانه بهالطريق انا زوجته لو جاء وكلمني كنت بعدل كل غلطه غلطها وياه مع اني ما عصيته فحياتي وشغل البيت صحيح ما اعرف بس كنت بتعلم هذا كله وانا فبيته انا كنت بعدني فبيت اهلي المهم رجعت له ولا كنه صار شي ولا رجع يناقشني فكل الي قاله والي سواه ومن بعد هالسالفه جاء يزورني فبيتنا انا كنت وايد شاله فقلبي قلت له ليش تكلمت عني قدامهم وانا اصيح قلتله اذا انا مقصره معك فشي قولي لا تسير ترمس مع الناس واجهني هو قالي لا ترمسين فالموضوع خلاص طاف وسكتني وسكرنا الموضوع ومن بعد هالسالفه تناسيت الي صار ورجعت له ولا كنه مستوي شي وعاملته عادي تم ما يسال عني دوم غالق تيلفونه ما مسولي سالفه ومره كنت متضايقه وايد رسلت له مسج اذا انت ما تبيني خل كل واحد يشوف حياته بدل هالعذاب معاك اخاف باجر اروح بيتك واجيب عيال واندم خلنا ننفصل من الحين وربي كنت متضايقه حيييييل وما اعرف شلون قلت له هالكلام كنت اتمنى هو يرد ويتصل ويحسسني انه شاريني ويقولي يابنت الحلال ودري هالسوالف عنج وانا ابييج هو ما رد علي ابد ولا اتصل ولا رسل مسج سار وخلا اخواني يشوفون المسج الي مطرشته له وكبر السالفه وان انا الي ما ابيه وانا ابي الطلاق وهو بيطلقني مسكها علي انا كلمة مطلقه احسها وايد ثقيله علي ما كنت ابي اتطلق ورسلت له مسج اعتذر واقوله اني كنت متضايقه حيييل وما عرفت شو رسلت له وخلاص انسى الي طاف وخلينا نبدي صفحه جديده واني ابيه ومابي اتطلق هو كان بايعني بايعني وما صدق على الله اني اغلط واقوله مابيك قالي خلاص انتي الي بغيتي هالشي وتحمل نتيجة غلطتج وانا ما برجع لج وطلقني ورجعت له كل الي جابه وصرت مطلقه وانا ما عرف شو هو الزواج اصلن اااااه بس وصارلي كثير مواقف مع اخته الي كانت ربيعتي وايد الحين صارت عدوتي وتكرهني وتضحك علي ليش اني عقد حالي وخبرت كل بنات الجامعه عن وضعنا المادي وووووووو وايد جاني منهم واون هم الاسياد ووايد كلام كله تكبر وشوفة حال ع خلق الله حسبي الله ونعم الوكيل


تعتقدون هل بتكون عندي فرصه ان واحد زين يتزوجني احس الشباب ما يرضون بوحده مطلقه بيقولون صاحبة تجربه اااااااه بس ليت هذا كله ما صار بس الحمدلله على كل حال والسموحه طولت عليكم:(