اااااه ياقلبي...

السلام عليكم ورحمة الله وبركاته

بنات الهم مقطعني قطعة قطعة
راسي من التفكير ما صار يفكر ولا يحل ويربط

مشكلتي احسها كبرت وبتكبر

مشكلتي ابوي الله يحفظه ويخليه ويمد عمره بطاعته

قبل اي شي.....
انا متزوجة من سنة وشوي تزوجت شخص اقل من مستوانا ومستوى الناس اللي مناسبينا ومو هذي المشكلة

المشكلة ان ابوي كل شوي يتصل علي يمكن كل شهرين من اول ما تزوجت (يقول لي عسى الرجال ضايمك او ظالمك عساه ياخذ من راتبك ، اهله يغلطون عليك او لا ، امه قالت لك كذا ليش مارديتي ، ابوه سوا لك كذا ليش ما قلتي لي اجي اخذ حقك ، وقفي زوجك عند حده)

واخر شي
يقول لي خذي اجازة استثنائية لمدة شهرين ولا تقولين لزوجك وانا اجي اخذك وبتقعدين شهرين لحد ما يجيك يعتذر ويسوي اللي يرضيك هو فاكرك شغالة عنده او مربية او او او <<< طيب وش سوى الرجال

ويقارن بينه وبين ازواج اخواتي

اختك فلانة ماشاء لله زوجها يعطيها مصروف
اختك علانة زوجها دايم يسافر بها اي مكان
شوفي طقم اختك بالشي الفلاني

اما زوجك شكله كذاب راعي خرابيط(حبوب) لين وصلت معه انه يتهمه بالتعامل مع المشعوذين

ويعلم الله والحمد لله انه مو راعي هالامور وماشاء الله الصلاة بوقتها (صح ما يصليها كلها بالمسجد بس على الاقل محافظ عليها )
ومشكلة زوجي قلة الحيلة يعني على قده ما قد سافر بي مكان او فاجئني بشي
بس الحمد لله معاملته كويسة واعرف انه يحبني
صح ما يخلو من بعض الامور مثل العصبية بس الحمد لله ماقد غلط علي او اهانني

الحين ابوي زعلان علي ليش ما اسمع كلامه وبيأدب زوجي على قولته وانا قلت له لاااااااا تقول له شي

انا بين نارين

راسي مصدع وضغطي مرتفع وزوجي سمعني وانا اقول لبوي بالتليفون انه ماسوى شي ليش انت بتطلع بالرجال عله والحين زوجي زعل

كل الاثنين زعلانيين والضحية انا

انا والله همي رضا ابوي
وارسلت له رسالة انه عسا يومي قبل يومه ....ان قصدت كسر كلمته
بس انا طالما ما شكيت لك شي يا ابوي لا تتدخل
وزعل علي وما صار يكلمني
واخواني يقولهم انا ما عندي بنات يعصون امري

اه يا بنات قلبي متقطع ولا اعرف النوم واعذروني كلامي متقطع ولا هو مرتب