اااااه يا امي كسرت قلبي بدون ماتقصدين

سلام عليكم حوائيات



بقولكم قصتي اللي مرضتني والله اكتب لكم وانا دموعي في عيوني

انا متاخره في الحمل لي ثمان سنوات تعبت من المستشفيات والابر والمواعيد تعبت وتعب قلبي من الوحده

اتمني صوت طفل في بيتي ودي بطفل اضمه واشم ريحته والله لوشفت اطفال ينقطع قلبي ابي عيال

سبحانه ربي قادر يعطيني وبيعطيني بحوله وقوته بس الناس ماترحم والزمن قاسي

المهم بقولكم قصتي وهي ان امي ساكنه قريب من حوالي ربع ساعه وبما انها ساكنه لوحدها صح عيال
اخوي الصغير عندها بس كلن في بيته وبين الفتره والفتره اجيبها عندي تونسني واداريها مسكينه هناك

ماحد يشوفها وهي ياقلبي عليها تموت في ولد اخوي الصغير ودوم معها المهم جبناها انا وزوجي وجينا


بنوديها قالت مروا البقاله ابغاكم تشترون لي غرض مرينا انا وزوجي وهي سالها زوجي ايش تبغين


قالت حليب الاطفال تبغاه لولد اخوي الصغير ياه يابنات انقطع قلبي ودي مت زوجي تسمر في مكانه


ماتوقعت ان حليب اطفال بيسوي فينا كذا زوجي والله عيونه امتلت دموع وانا بكيت بس مابي امي تشوفني وهي حست ياقلبي عليها واعتذرت ونا قلت لها عادي وايش فيها ومافيها شي بس وانا والله

قلبي ينزف دم ومن يومها ونفسيتي تعبانه وزوجي مايبغا يفتح السالفه لانه شايف الدمع بعيوني


ربي يرزقني الذريه ويفرح قلبي فيها