ااااه من البخل. ابي حل//قديم

السلام عليكم
صباح الخير بنات
معليش هو هذا القسم بس الوحده تقعد تفضفض ويمكن تلقي حل
بنات انا متزوجه من 6 سنوات
والله فرررررحت فرحه يوم تزوجت اني بلقي شخص يهتم فيني ويقدرني
لكن للاسف فرحه ماتمت
زوجي حسيته بخيبيييل والمشكله بس عليه انا
صح الاكل ما انكر يعبي المطبخ بس مشكله في الاشيا الثانيه
يعني مثلا الهدايا مستحيييل يفكر يهديني
اهداني 3 مرات بس واساسا لانه كان مسافر
وهدايا عاديه جدا ماتتعدي 100 ريال
انا ماهمني بس انا كنت اتمني واحد في العيد يعايدني
ويهديلي والله دااايم انا اهديه واعايد عليه بس هو لا مافكر
تخيلو لي 4 سنوات ماحملت والسبب منه هو وفرح يوم حملت ولا فكر يهديني لو باي شي
ولدت وكل العالم والناس فرحو لي واهدو لي هدايا القريب والبعيد والجيران وناس والله مااعرفهم من صاحبات امي واخواتي وهوه فرررحت ولده ما اهداني ولا شي ولا حتي عطر
لييييش طيب ضروفه معليها متوسطه ماراح يخسر لو جاب لي اي شي والله مقبوله منه
بس ع الاقل يعبرني يحسسني اني مهمه في حياته ويفرح لي بس
الحين خلاااص وصلت معي وتناقشت انا واياه في هذا الموضوع وقام يقول لي انت جاحده انا قد اهديتك طيب بس3 مرات وين هدية الولاده والحمل يقول بعدين بهدي لك ولدي عمره سنه قلت له بزعا ماهي مقبوله هذي ماهي هديه
طيب خلصنا من سالفة الهدايا حتي الصرفيه مثل ملابس واشيا لي مايشتري لي الا بشق الانفس
والغالب يرفض حتي في العيد قال ماعندي بس له هو ولولده شرو ملابس بس انا لا خساره عليه
دايما هو كذا لنفسه ايه ولي انا لا حتي السفر كنت اتمني يجيني يوم يقول بسفرك والله مايسفرني ولا يمشيني يقول ماعندي فلوس تكفي وهو والله كذاب مو هذا السبب واذا احد اتصل عليه قال تخاويني قال يالله ولا يخط مصروف عندي ولا شي يوديني عند اهلي ويقول ماله داعي وش تحتاجين كلها يومين ثلاثه راجع
بعد ولادتي كان نفسي اغير حو واسافر طلبته قام عصب وقال عندي عمل وانت وانت قلت خلاص بس ابي مكه قال بشوف بعدين قام يهزئني ويتكلم علي قلت خلاص والله مااااابي طابت النيه قال لا بنسافر بس انت ماتعرفين تختارين وقت قلت خلاص براحتك اي وقت انا ماجبرتك الوقت اللي يريحك واساسا لو اسكت الي يوم الدين ماراح يعجبك الوقت معي
وبعدها سفرني وكان متنرفز وطفشان مع انه يموووت في الحرم ويحب يروح له دايم ويوم وصلنا الحرم نزلنا من السياره وقام هزئني باعلي صووووت والناس كلها تسمع عشان بس يقول لي قفلي باب السياره بالمفتاح خلاااص انا هنا تحطمت وجلست ابكي والله ماعرفت اعتمر زين حسبي الله عليه وكان ودي بعد العمره اكون في بيتي
غير كذا اذا سافرنا لاهله اقول له نبي طياره تعب البر اكثر من الف كيلو يررررفض يقول لا مافيه
واقول له اذا ع التذاكر انا ادفعها يقول لا مابي طياره بس اذا هو راح لهم يروح طياره طيب ليش حرام عليك ماتحب لي الرحه وخصوصا معي طفل وانتو تعرفون الاطفال في السياره
وغير كذا اذا راح لاهله هدايا وفلوس وكل شي وانا اصلا اللي اقول له هذولا اهله
بس انا مستحيييل يحيب لي هديه او يعطيني فلوس في يدي واذا اعطاني بالهواش ويجلس يمتها علي
هذا اللي يقهرني كريم مع الناس ومعي لا يعني اساسا مو مت طبعه البخل ولاهو فيه صفه بلعكس هو كريم بس معي انا بخييييل وكل شي لي ماله داعي تخاصمت انا واياه وتجادلنا وفي النهايه انا اطلع جاحده وانا ما اقدر ضروفه والله ظروفه الحمدلله بس هو مايحمد الله اقول له انتبه ينقلب عليك الحال وكره شي عنده انه يعطيني شي
والله انقهر اذا شفت اقاربي كل واحده تقول لي زوجها عطهاها هديه وشرا لها مو حسد بس والله من قبل اتزوج كنت اتمني يكون عندي زوج يهديني ويشتري لي ويصرف علي لاني صرت خلاص انا اشتري لنفسي من عندي وش اسوي
ماعمره مره قال يالله بسفرك وامشيك والله ماعمره ابدا حتي الطلعات والتمشيات صاريسكتني بس من يوم تهاوشت انا واياه ع ه الموضوع صار يمشيني بس سفر مستحيل لازم اطلب ويمكن يسفرني ويمكن لا واذا سفرني انواع التنكيد عشان كذا خلااااص استسلمت معد اطلبه ابدا
بس والله من اشوف احد من اقاربي اخواتي يسافرون ويتمشون ابكي ليييين اقول بس
ليش انا لا لا تقولون لي ليش تقارنين بتاعبين انا ما اقارن انا امنيتي اني احد يمشيني وانبسط واعيش. حياتي زي اي متزوجه كذا كانت امنيتي قبل الزواج بس حطمني
واشيا كثييييره حطمني فيها في حياتي هذا غير اسلوبه وكلامه الزفت معي وطلبت كذا مره في الانفصال مو لهذا السبب لاسباب ثانيه
وللعلم بيتي متواضع جدا كله غرفتين يعني الحمدلله مو متعبته ولا مكلفه عليه
بس قهرني ليش بخله علي في كل شي مشاعر فلوس سفر طلعات يعني مو بس مادي
الا الاكل لا والله بصراحه مكفي ويوفي
ومره كان عنده مبلغ وقدره والله ماشفت منه ولا ريال وكان وقت عيد يعني مايفرحني باي شي
بس اهم شي نفسه وولده واذا راح لاهله تشوفينه يجيب لهم اشيا حتي هم يقولون ليش والله مانحتاجها انقهر وانا اطلب منه ويقول لي ماله داعي
والله تعبت تعبت نفسيتي وبس ابكي دايم وبالذات اذا شفت اخواتي ولا حريم اخواني كل وحده تقول لي زوجي سوا لي مفاجا في فندق ولا سفر ولاجاب لي هديه خلاااص انا هنا ما اتحمل لاني احس اني مظلومه مع هذا الزوج وخصوصا انه قادر وعنده بس خيره لغيري للاسف
تخيلو شافني شريت جهاز جديد بعد ولادتي قال خلاص اذا سالك احد قولي هذا هديه من زوجي بمناسبة الولاده
انا سكت والعبره تختقني طيب ليش ماتشتري لي انت
والله وقتها كان معه حول 100 الف
وبعدين ذكرته قال وين اشتري لك هديه ب2000 سلاملت وش شايفتني
قلت انت والله لو تصير مليونير عمرك ماراح تشتري لي هديه حتي ب500 ريال
صعبه عليك
واللي تسال عن اخلاقه اقولها بكل صراحه يعني مره كذا ومره كذا بس اساسا لانه كان موريني الويل ورحت لاهلي وبعدها تعدل بس احيانا يسب ويشتم ويجررررحني
انا دايم اطلب منه الطلاق بس هو راااافض والله اعلم هل بنعيش مع بعض او لا
لاني خلاااص طايبه نيتي منه وغير كذا ما احس انه زوجي اعتمد عليه واشكي له همومي لو اقول له اني تعبانه يزيد ويطفش ويعصب عشان كذا كل شي بقلبي
خلاص بنات معد اقدر اكمل المهم يئست وطفشت الحياه معه