كوبونات الراقية تسجيل الدخول

لحظة شرود

ااااه وش السواه مع زوجي طالبتكم00000000

الأسرة والمجتمع •

السلام عليكم 000 انا مشكلتي مالها حل انا عمري 20 سنه ماشاء الله عندي ولد واحد تزوجت وانا في الثانويه وبحكم انه ولد خالتي وعنده وظيفه وافقت بدون ترددمع العلم ان نفسيته شوي تعبانه وهنا المشكله ان مهما غلط تصير المشكله على راسي ان اناالي بصحتي والعاقله لازم اتحمل هو مريض وخذي من هالكلام بس وصل فيني الحال اني اكره كل شي ابكي كثير حملت بعد ثلاثه شهور مع الحاله النفسيه الي كنت فيها كل يوم في المستشفى نزيف مع العلم اني ادرس في الثانوي تاثرت دراستي كثير والناس ماخلوني في حالي خصوصا زوجة اخوه:angry2: كل يوم انا جبت ممتاز والله دلع ماعندك شي كل يوم غايبه كل يوم متنومه وماعندي شي والله حاله المشكله ان زوجي اي شي اقوله له عند اهله اعطيته بوجه مافاد حتى خصوصياتنا عندهم حتى لو خالتي مارضى انه يقول كل شي خف نهائيا من ناحية الاشياء الخاصه بس الاشياء الثانيه مثل احنا بنطلب من المطعم تبغون الام لا والله مصاريف حرام احفظو فلوسكم يجي عندي اهلي مايبغون انتي تبغين مولازم صح مع العلم انه من دون وظيفه وانا الي احاسب من الفلوس الي يعطوني اهلي عازم على حسابي ويوم يعيون يتنكسل الطلب وانا خاطري فيه ويوم يشتهون عيالها تطلب لهم مع التاكيد انا مأعير زوجي ولا اتمنن عليه والحلال واحد واتمنى له الشفاءمن كل قلبي بس وش الحل هو ماخذها من باب الميانه انه عادي اهلي وااااااااااااااااااااااااااااااااااااااااااه طفح الكيل 000 ردو الله يجزاكم الجنه0000000000000 احبكم:44::icon33: ترك وظيفته بسبب مرضه هو يشك حيل ومش اجتماعي ويستحي من زملائه لانهم في العمل مريحيينه على الاخر مع العلم زملائه مايدرون بمرضه استحى من نضراتهم حيل اثرت فيه كان موظف لتاكيد جواب على سؤال الاخت RO3h_ والله حطيت نفسي مكانه لو انا مريضه وخطبني وعرف اني مريضه وتركني اكيد بتعب نفسيا واقول وش ذنبي
15
2K

يلزم عليك تسجيل الدخول أولًا لكتابة تعليق.

تسجيل دخول

مشاعر قلب
مشاعر قلب •
والله ياحبيبتي يبي لك جلسة مصارحه مع زوجك تحددين انتي شروطها واكيد باتفاق مع زوجك

اولها : مو كل شي بينا يوصل لاهلك لانه فيه شي اسمه ( خصوصيه )

ثانيا : حنا كبرنا على حكاية الاستشارات العائلية في كل شي ( حتى لو اشتهي شي ) مالأهلك اي حق منعك انك تجيبه لي ..

انت لو تبي جبت ومحد ردك .. والا انا مالي حق عليك ؟؟؟؟

ثالثا : من ناحية مرضه الله يشفيه ويعافيه ويرفع عنه البلاء ويعظم لك الاجر على صبرك ... لازم لازم لازم يتعالج ... وانتي كوني معاه

شجعيه وقولي له مافيه مرض الا وله علاج وانا مابيك تيأس من رحمة الله لاني انا محتاجه وقفتك معاي وولدك بعد محتاجك .

رابعا : لابد يلقى له وظيفه يصرف عليك منها .. وان مالقى اهله ملزومين يصرفون عليك .. ووضحي هالشي لخالتك .. قولي احتاج

وولدي يحتاج وانا استحي اخذ من اهلي كل شوي ...

خامسا : فلوسك الخاصة اللي من اهلك مالأي شخص حق انه يتدخل فيها وان عطيتي زوجك عطيه باقتناع وبلا منه .. وبلا تذمر ..

واحتسبي على الله الأجر ..

سادسا : ان صار مشكلة والا شي وقالوا انتي العاقلة لازم تصبرين قولي وانتم بعد عاقلين ساعدوني نعالج ولدكم لان مو معقوله

كل طقة وكل سالفه وكل هواشه تقلبونها على راسي ..

سابعا : زوجة اخو زوجك مالها دخل فيك عامليها برسميه تسلمين ..

ثامنا : استعيني بالله على حالك واصبري واحتسبي والحي على الله بالدعاء انه يصلح حالك ياااختي ..


الله يفرجها عليك قولي آمين
هماي انا
هماي انا •
اعتقد مشاعر قلب .. كفت ووفت .. جزآهآ الله خير ..

الله يصبر قلبك .. ويشفي زوجك ..
ويرزقك ماتمنيتي ..
نهايةضحكتي دمعه
نهايةضحكتي دمعه •
<اذا رحتي لاهلك اطلبي هناك عشاك< وتعشيه <فكره صح؟؟

وبالنسبه لزوجك واموركم الخااصه انتي تقولين انها خفت عادته عن والحمد لله؟؟

وبيني وبينك؟؟ عشان لا احد يقول انتي عاقله وهو لا<<اقصري الشر
وصيري مثله اي شي يسويه زوجك انتي سويه
يعني اأأجري الدور العلوي <<وانهبلي مثلو
والله العقل مايفيد بهاللزمن
صح نصيحتي لك نصيحة وحده مهويه مرره <<بس هذا الجد وهذا الصراحه؟؟
انتا معــاي..؟
انتا معــاي..؟ •
ماازيد على كلام مشاعر قلب
عين العقل

والله يصخر لك زوجك ويشفيه يارب
ميرامارا
ميرامارا •
الله يعينك ويسخر لك رجلك
ويشفيه ويرزقه الوظيفه اللي تريحك .