ااااه يارب رحمتك ارفق برفيقة درررررربي وصديقتي ...

بالاول احب اقول مساء الخيرات لاحلى واصدق خوات في عالمنا الغالي عالم حواء..

رغم اني حاسه بانهيار وخنقه وغصة في داخلي الا اني بحاول اعبر عن اللي في داخلي واكتبلكم معاناة اتعبت قلبي وهدته معاناة ماادري انا مذنبة فيها او لا ابي ارتاح واريح ضميري اللي عذبني في صديقة عمري واختي وحبيبتي
طبعا اكيد معظمكم عارفين قصة صاحبتي في الخبر بالشرقية اللي كتبت لها في موضوع سابق ورغم ان كثير سالني عنها وايش صارعليها لكن الحين راح اقول ايش اللي حصل وابيكم بنفس الوقت تقولولي هل انا مخطئة في حقها او لا وبكل امانه..
صديقتي للاسف الحال تدهور عندهم من الاسواء للاسواء للاسواء الحال تحت الصفررررر الحال سيئة قاسية مؤلمة تحرك القلوب الميته ..
انا قبل امس رحت لها بعد انقطاع شهر وشوي او اكثر مدري والله.. تفاجات انصدمت بحبيبتي ورفيقة عمري الجسم الناصح صار هزيييييييييييييييل الوجه الموررررد صارشاااااحب الوزن طاااااااح بشكل كبييير والهالات السوداء اتر الهم والالم مرسووووووم في وجهها ماقدرت اخفي دموعي بس رقعتها بانها من الشووووق لها لاني من زمان عنها:44:
ماعرفت اتكلم جلست كنت جايبه معي حلى وقهوة لها.. بس حسيت بشي غريب ماعادت زي اول البسمة مختفيه اشوف في عيونها الم يعصر قلبي وماني قادرة اتكلم احس اني ببكي مسكت عمري وتلفت يمين يسار مدري ايش اسوي حسيت انها مو مهتمه للحلى والقهوة اللي جبت ماهي معي اتكلم واحاول اسليها مافي تجاوب اقول حلي كولي من الحلى سويته خصيصا لك بس بعد ماكررت عليها اكلت قطعه صغيرة قلت طيب كملي ليش ماتاكلي قالت بس بطني امتلى ويالمني اذا كثرت بس يابنات اكلت قطعه صغيرة بس قالت انا اتعودت اخفف ومااقدر اكثر حسيتها سكينه في قلبي :06:يعني مدري ايش اقولكم الحال صعب ومحرج تمنيت اني ماجيت حسيتها تحس اني جايه اتصدق او اتفضل مدري ايش حسيتها متحسسه مني حاولت اتكلم معاها وافهم ايش فيها بالقوة رجعت تتكلم معي قالت تعودت على الوضع عادي انا كل همي بالدنيا حسن الخاتمة ماعاد يهمني اكل زي الناس ولا اشرب مثلهم اتعودت على اي شي خفيف ووجبة باليوم تكفيني وزيادة ولله الحمد:( الدنا مو بس اكل وشرب وسكن الله يقسم اللي فيهالخيره واانا واثقة بربي بيقسملي الي فيه الخير لنا وماراح اشكي لحد غيره ومستحيل امد يدي لو اموت لغير ربي سبحانه اذاا كاتبلي بموت اموت واذا كاتبلي بعيش بعيش واذا بننطرد من الشقة اللهم لااعتراض هذا قدرنا ومابيدنا شي..
المطبخ طبعا في نفسالصاله فاااااااااضي يابنات والله والتلاجه مفصولة ومافيه الا كرتون صغير جبن وجيك ماي ولبتن شاي بسسسس والله قلبي تقطع عجزت اكل قطعه وحدة بس ماقدرت قلت انتي ليش ماكلمتيني انا زي اختك على الاقل اعطيك اللي اقدر عليه هنااااا وطلعت البوك حقي هنا بسسسسسس ناظرتني نظررررة اول مرررة اشوفها قالت رجاء بصوت عالي اذا كنتي مازلتي تبين تكوني صديقتي انسي الحركه هذي ولاعاد تعيديها علي ولاعاد تمدين شي ابد لي انا مو محتاجة رزقي على ربي وحدة وهنااا بكت انا قلت بس عادي قبل اعطيك ومتى ماحصلتي ردي قالت لالالا كفاية خلاص مابي يكفي اللي علي قلت وانا ماابي منك شي قالت لالالا وانا ماراح ارضى ابد ولا ابي شي منكم انا تكلمت معك وفضفضت لانك صديقتي بسسس مو عشان تشفقي علي وتساعديني انا بشررر واحس حرام عليك انا بكيت قلت بس انتي مطبخك مافي الا جبن قالت في ناس حتى الجبن مو لاقينه احمدي ربك انا كذا عايشة والحمدلله واذا تبين تساااعديني ادعيلي وبس وماابي اي مساعدات ايا كااانت اياااكانت وبكت انا انهبلت وبكيييت قلت خلاص سامحيني ماقصدت انا بس من حبي لك وخوفي عليك وقعدت اهدي فيها لحد ماقدرت اسكتها مع انو دموعها ماوقفت عيونها متورمه من كثر ماتبكي اتكلمت معاها انو عادي وكدا وكدا بس للاسف خيرتني بين هالشي وصداقتها انا سكت قلت انتي غالية ومابفرط فيك من شان شوية فلوس وخلاص ابشري ماعاد اجيبلك سيرة مساعده ابد اذا يريحك قالت اذا تبين تساعديني زي ماقلتلك ادعوولي انا وزوجي وبسس وبكذا خدمتوني اكبر خدمة ادعولنا بالفرج والرزق والتيسير وتسهيل الامور وادعولي بالوظيفة ادعولنا بقلب صادق بيوم جمعه باخر الليل بكل اخلاص وانا بهالشي اقول كفيتو ووفيتو.وبسسس مابي شي ..
هنا انا هديتها وخلاص نفذت طلبها باني ماعاد اجيبلها سيرة مساعدات وقالت انا ادعي ربي وربي باذن الله ماراح يخيب رجائي وبيقسملي اللي فيه الخيره واملي بربي كبييييييير..
جلسنا شوي مع بعض تقول تصدقيييين يالله من زمان عن الاكل الدافي والطبخ والنفخ نسيت حتى ريحتهم وشكلهم وطعمهم تقولها وهي تضحك بمزح وتقول احسن انا ابي انزل زيادة مع انو هي نحيفه مو سمينه بس تحاول توضح انها مو مهتمه.. يالله عليها وعلى قلبها يايبنات الله يوسع عليهم ويفرجها والغريبة انو اي شي يسعون فيه من شان يحسنون وضعهم يتوقف من غير سبب يعني يمشي واذا خلاص قرب وقف يالله يااارب تفرجلهم وتشفيهم والله يكسرون خاطري..
انا مدري ايش اسوي احس اني انا لي ذنب بس مدري ايش استغفر الله يارب يمكن لاني بعدت فترة مدري الله يعين ياخواتي بس حبيت اطلع اللي بقلبي..
واحنا جالسين ومن هالحكي تقول ايش صار عليهم والمسكين رجلها بعد مابيده شي وصابره عشانه شوي ودمعت عيونها وقلتلها كفايه دموع ياعمري ارفقي بحالك قالت الدمع هو اعز صديق لي هو اللي يخفف عني والا كان علوووم وسمعتني ابيات هي اللي قالتها قدااااامي وكتبتها معي بجد عورت قلبي وهذي هي

يادمع خلك مكانك وسط هالعين خلك سجين همن ماله نهايه
يادمع حر لهيبك ماينطفي زين واطي على قلبي من اجل غايه
يادمع هونك على شوف المحبين بصمة مرورك صارت على الخد رايه
يادمع متجه رايح على وين لاسفل القلب تسكب همي وشقايه
يادمع كثرت لدموعي العناوين وانا للحين ماعرف وين البدايه
يادمع غارت على خدي همومن ملايين مايعلمبها غير ربي في عالي سمايه
اااه ياربي ياعالم باسرار الملمين ارفق بحالي وخلك قريب مني ومعايه

يالله هنا بس انا سكتت وبعدها جاء زوجي سلمت ومشيت وقالتلي لاتنسوني من دعواتكم بس بالرزق والتوفيق..
المشكله انا من بعدها ماصرت احس بطعم لا للاكل ولا الشرب ولا شي احس اني بس مخنوقه وابي ابكي احس اني عاجزة الا عن البكاء ضميري يانبي واحس لي ذنب بس مدرس ايش حاسه بغصة من يومها وكل شي له لون وطعم واااحد يااارب رحمتك..وزوجي يقول زوجها مرررة شاحب ومسمر..
اخواتي ياليت يالغاليات تدعون لها ولزوجها بالرزق والفرج والتوفيق وتسديد الديون والوظيفه لها بسسس يااخوات الدعاء ثم الدعاء ثم الدعاء ومن قلب صادق لعل الله يتقبل منا ويفرج لهم ياااااااااااااااااااااااااااارب..
لاتنسوهم من دعواتكم كل مايجون عبالكم تكفوووووووون ولكم المثل ان شاء الله..
وياليت ترفعونه بدعوات يالغاليات..
(ملاحظة:الاخت ماتبي مساااعدات ابدااااااا اختكم بالله محتاجة دعوه صادقه منكم فقط لاغير)

اااه ياربي ياعالم باسرار الملمين ارفق بحالي وخلك قريب مني ومعايه :44: