ااااه ياقلبي ايش صار بالدنيا هذي اختي وهذي قصتي

بسم الله الرحمن الرحيم


لا اله الا الله محمد رسول الله اخواتي بقلبي شي ودي اطلعه وارتاح .............الم عجزت اتحمله

جرح غاير بقلبي ومن مين من اختي بنت امي وابوي اختي هذي بمنطقه ثانيه بعيده عني

السالفه بدت باجازة الربيع الماضيه بعد الحاح منها اني ازورها بمنطقتها ونجتمع كعادتنا انا وكل خواتي المتزوجات
نجتمع بمنطقه في بيت احدانا ونرتب كشتات وتمشيات عائليه وكنا هالمره ثلاث عوائل لما وصلت للمنطقه اللي فيها اختي كنا مرتبين نروح لاختي الثانيه بمنطقه ابعد عنا وحصل ورحنا لها واختي الاولى حصل لزوجها
ظرف اظطر يسافر يومين وراجع وقال لزوجي خذ اهلي معك يسافرون لاختي الثانيه وحصل هالشيئ
وقعدنا عند اختي الثانيه ثلاث ايام كلها وناسه وتمشيات واسواق ومطاعم مع بعض حنا الاخوات الثلاث
بعدها رجعنا احنا واختي الاولى لبيتها بالمطقه الاولى اللي حصل ان اختي كانت شوي تعبانه لوز كان عندها
فقمت انا ارتب بيتها رغم تعب ولدي اللي وصلت حرارته اربعين وانا بتعب مايعلمه الا الله وطلبت مني احضر
لها العشاء وللرجال بعد ولعيالها سويت كل شي وتعشو ونضفت بعد كذا وولدي خلال كل هذا وانا من وقت للثاني
اروشه علشان الحراره واكمده واعطيه مخفض حراره واروح اكمل الشغل عنها اللي حصل هي تعشت وعطيتها
مخفض حراره ومضاد وصحصحت وقامت تكلم اختي الصغيره طوال الليل انا رحت غسلت عباتي وماكنت ادري

ان فيه شيئ يدبر لي من خواتي فجاه لما تطمنت ان حراره ولدي في نزول قلت بحط راسي بعد هالتعب الاهي صاكه جوالها وتقول لي اطلعومن بيتي من غير سبب قلت لها خير ايش صاير قالت اطلعوالحين قلت حرام عليك


زوجي مانام وعيالي تعبانين وانا مهدوده ايش جاك منا ليش تسوين معي كذا ايش السبب وانا ياناس ماني
مستوعبه ولا مصدقه ان اختي تطردني من بيتها بها الطريقه وانا بها الظروف طردتنا حتى ماخلتني لين اودي ولدي المستشفى وزوجي يريح عشان ورانا درب طويل طريقتها وهي تصك باب غرفتها بعد مارمت عيالي
بالصاله خلتني اتسمر بمكاني من الصدمه ياالله هذي اختي اللي جيت اواصلها قطعت صله الرحم وهذا اكثر شيئ تاعبني اني اقاطعها ويسالني ربي عن قطيعتها اللي هي سبب فيها

انا سامحتها لوجه الله بس مستحيل انسى اللي صار منها ماصبرت لين نطلع من عندها بكرامتنا لانا كنا ناوين الظهر نمشي قبل طردتها لي ولعيالي وزوجي اللي لحد هاللحظه مايدري ليش قومته من النوم رغم انه مانام الا ساعه وقت له يالله مشينا ورفض انا نستاجر عناد فيني يبي يعرف السبب وانا اصريت على الصمت وكان ماشي 180وانا وقتها استودعت الله فيني وفي عيالي وزوجي واما ولدي فرجعت حرارته ترتفع للاربعين واحنا بالطريق

وحالتي النفسيه ربي يعلم فيها