اااختتتتي. الله يعين.. وحالتها النفسية

السلام عليكم ورحمة الله وبركاته. . بدخل بالموضوع علی طول .. ابوي متوفي الله يرحمه وباالبيت بس انا وأمي واختي صغيره واخواني المهم اختي الصغير ه بالثانوي. سبحان الله وهي صغيره كانت شقيه وحركيه بسم الله عليها الی المتوسط بعدين بالثانوي نقلنا حي ثاني وراحت عن صحباتها وصارت هادية مرره مره بحالها كانو البنات مو عاجبينها عشان ألسنتهم طويلة ويتكلمون عليها مرات وهي كانت مسكينة بحالها وكانت تجي تشكيلي انا وأمي ونقول عادي مرحله وتمر 😭 وكانت تحسيها مكبوته وبس ساكته وحتى لو نخرج لي أحد تجلس ساكته هذا الكلام كله العام والسنه هذي اول ما بديت الدراسة بس داومت فتره بسيطه بعدين رفضت تروح المدرسة مره وجلس تبكي مره وقلنا نغيرلك المدرسه ورفضت برغم آخر سنه بس قدر الله وتركتها وبعدها اعتزلت الناس ولاتبغی تقابل أحد وبس تسأل ابوي وينه وليش مات وتبكي ابوي مات وهي بالابتدائي ودخلها خوف مره الله يكرمكم وصلت حتى الحمام تخاف منه تخاف تحمم وإذ حست الألم عند بالها بتموت وكمان صارت ثقتها بنفسها صغر برغم جميله هي ماشاءالله كانت بس تقول شكلي يضحك نفسي اغير نفسي استغفر الله وإذ خرجنا مكان بس تقول يطالعون فيه 😓 يعني عشنا حاله مايعلمها غير الله وقرينا عليها بس بعدين امي تعبت معاها وتعرفون ابوي الله يرحمه غير انا وإمي واخواني كلهم أصغر مني الكبير بعيد عنا وآخر شي وديناها دكتور نفسي قال هذا اكتئاب بسيط وعطانا حبوب . بس من الجهل خفنا عليها وقلنا صغيره علی الحبوب تحزن 😓بس للاسف زادت حالتها وكمان تخيلو صارت تقول اسمع أحد يكلمني في أذني وبس تقول افف ايش يبون 😭رجعنا الدكتور وعصب قال لازم حبوب وأخذت الحبوب والحمدلله خفت شوي وفيه أشياء الحمدالله راحت بس جاتها حاله يابنات تضحك ومن حالها وتعيش جو مع نفسها كأنها تتخيل شي مدري وسألها ايش يضحكك تقول اضحك مع نفسي ومفهيه وماهي معانا ولا تدري اش نقول عايشه جو مع نفسها أكثر شي خوف امي وصارت عصبية مره مره وتعصب علی امي المسكينة كأنها مو حاسة بنفسها مدري صرنا لازم نجيبلها الشي لي تبغي وتعصب علينا علی اتفه شي لي درجة أمكن تضرب والطامه الكبرى تركت الصلاه تخيلو لها شهر أكثر شي مقطع قلوبنا ولا تفكر حتى فيها أو تلوم نفسها لا عادي وإذ نصحتها تعصب مره وتقول مانتي ربي مالك شغل ووو ما خليت أسلوب مستعملته أخاف خلاص تتعود وكمان جاي رمضان أخ ياقلبي 😭كمان صارت تسمع اغاني يعني بعدت عن الله مره وتركت العلاج ورفضه تروح مستشفى أو مشايخ. غير جبنا شيخ بالبيت ويدوب قری عليها يقول مابان معاه شي . كمان اخوي مرآت يقری عليها . وفيه أشياء أمكن ماذكرتها يعني والله لنا9 شهور الله واعلم بحالنا لانخرج ولا نطلع بس تفكيرنا فيها وم ندري كيف نعالجها وهي رافضة وماهي حاط نفسها مريضة وصرت خايفة علی امي كبرت وماعادت تتحمل 😤يابنات من تجاربكم اش هذي الحالة لي تمر فيها اختي وان شاءالله ترجع لوضعها أذكرولي قصص ريحونا بردودكم حتى امي بقری كلامكم .. والصلاه كيف ترجعلها كمان بنات أكثر شي تشد حالتها قريب الدوره