قريبا رايحه أكمل 33 سنه وأملي في الله قوي ما دام في صحتي و وجود أمي وأبي في حياتي وهذه أكبر نعمة وهبني لها الله ولله الحمد حمدا كثيرا طيبا مباركا فيه رايحه أعيش حياتي بكل سعادة ورضا والداي يغمرني في حياتنا أبواب كثيرة يجب ألا ينحصر تفكيرنا وقوانا في باب محدد اسأل الله لكِ الزوج الصالح وكل خير وسعادة موفقة ...............

اسمعي حبيبتي في قريبه ليا جداااا من نفس العائله تقريبا تطلقت من زوجها ورجعت بيت اهلها وبيت اهلها عذاب

يعني لو بنت ممكن يكون عندها فرصه تتزوج حتى لو على ال 30 لكن مطلقه واهلها مو ذاك الزود

المهم حطت رجاءها في الله رغم كل الصعاب ورغم ان ماعندها اي مقومات ان احد يطالع فيها يعني حتى مملوحه ماينقال عليها والله انها اقل من عااااديه
تعرفين بثقتها في الله ربي رزقها بزوج ملتزم يخاف الله وجابت من كومة اولاد وساكنه في قصر . والله مو فيلا قصر بكومة خم وحشم
خلي املك في رب العالمين لاتقولين ماحد يعرفني ولا لنا اقارب ولا بطيخ وربي ماحد يكتب النصيب الا الله

ياما بنات جاها طوابير ولا زان حظهم وبنات عاديات عاشوا في الريح

اقولك عن تجار قدام عيني مو بس كلام اطبطب عليك به

التزمي كل يوم بسورة البقره والاستغفار والصلاة على الرسول والباقيات الصالحات وكل ماكثفتيها كل ماقرب موعد الفرج وربك حيبدل دموعك هذي بالفرح باذن الله

شوفي هذا الموضوع وان شاء الله يفيدك

http://forum.hawaaworld.com/showthread.php?t=708736

ادعي الله

دايم. وقولي اللهم اغني بحلالك عن حراامك

استغفري بنيه الزواج واقري البقره
وتعرفي ع بنات من برى واحضري مناسباتهم وحفلاتهم
قد ماتقدرين حاولي تطلعين بالعروس ..
انا اشوف بنات كثير بالعرس تصير شكل ثاني
تطول الشعر والجسم تحط فيه كريم اساس+ بودره الضغط الحمراء سمركيك
تصير قشطه ويتغير شكلها من الى ..

ويتلصقون بالعجايز واللي بيزوجون عيالهم .. يساعدونهم ويتميلحون عندهم
وشوفي وحده زوجت ولدها وحده اكبر منه بـ4 سنين وبعضهم اكبر
بيجيك نصيبك بس اسعي له ..

وحبي نفسك واكشخي .. واذا نحيفه اكلي سبروفيتا تنتفخين
واذا متينه حيل انحفي خلك وسط رشييقه..
واذا فيك عيوب بوجهك او جسمك عدليها

الله يوفقك ويرزقك الزوج الصالح

ياعمري الله يفرجها عليك ويرزقك الزوج الصالح يارررب
يا عيني قلتي ماخليتي شي وفعلتي الأسباب وكل طريق توجهتي له
وماصار شي !! أنصحك يا قلبي تتوجهين لربي خالقك وخالقنا والمتصرف بأمورنا
لا تيأسين من رحمة الله الله سبحانه عنده خير كثير بس يبي منا الصبر وعدم
الإعتراض على قضائه وقدره ..... ربي سبحانه مايأخر ويمنع عنا شي إلا وله
حكمه سبحانه وخيره لنا لذلك يا قلبي تفائلي بالخير تجدينه وتقربي لربك بالدعاء
وإتكلي عليه والله يفرجها عليك ويوفقك ويسعدك