ااخ بس 💔

صبحكم الله بالخير يا طويلات العمر
هذا زوجي ليل و نهار مشغول عني اما فالعمل او سهر الى بعد الفجر مع اصحابه وانا مطقوقه بالبيت كل شي ابيه ممنوع زي ما يبيني اتوظف و مصروف ما يعطيني ولا ريال !! و السوق ف السنه حسنه و صاحبات ممنوع ❌ كافيهات ومطاعم ممنوع ❌ زيارة اقارب ممنوع ❌ الا فالمناسبات الكبيره فقط ، اخرج مع سواق او كريم يوصلوني لاماكن ضروريه زي المستشفى ممنوع ❌ تمشيات بشق النفس نروح مكان نااائي مافيه مخلوق و نجلس بالظلام و نرجع !! بدخل معهد او تحفيظ او نادي ممنوع ❌ بناات حتى لو بطلب من مطعم او مرسول ممنوووووووع ❌ و اذا تكلمت عصب و زعل او طنش و سحب وانا وحده ما احب النقاشات والجدال والهواش نفسيتي تتعب يا بنات صرت اتغااضى عشان لا يقروشني بالجدال العقييم قلت بصبر الين الله يفرجها ب أجلس فالبيت و اشغل نفسي فيه برتب و اغير و احط لمسات و اتسلى فيه بس اااخ قلبي البيت قديم و الحمامات خرابا والبويات تعبانه والأثاث قديم والزبايل ما يخرجها الا بعد مناحله لا تقولون شيليها انتي يقول ممنوووع تخرجين من عتبة الباب و عيالي صغار تعذبت يا بنات كرهة الحياه اللي انا فيها هو دخله كويس اقوله يستأجر لنا شقه جديده نظيفه بدل هالخرابه يقول ماني فاضي و ماني فايق ادور وانقل و اشيل وأحط فالعفش قلت لا تتعب ولا شي فيه شقه رخيصه و نظيفه و ف حارتنا يقول لا تفتحين هذا الموضوع ااه كرهته و كرهت اسلوبه الزفت
قبل امس قلت وديني المستوصف بحلل فيتامينات و فقر دم لاني احس بأعراضها و جسمي مرهق و شاحب ابي اتطمن قال بوديك وانتي مره وحده طلعي اللولب قلت لييش قال احملي قلت بدري بنتي صغيره عمرها ٣ سنوات و انا تعبانه و انهلكت من المطارده و المناحله و كمان لو بحمل ضروري اسكن فشقه جديده ابي استقر نفسياً قام زعل و طنقر و سحب عليا اقوله وديني مطنش و يروح ينام بغرفه ثانيه حسبي الله بسس
بالله ايش الحل معه و المفروض انا ولا هو اللي يزعل ؟؟