ااخ ياناس شي يقهر ويغث ويطني ويخليك تعيشين بيائس

يابنات الي تفهم ماتاخذ رجال عمره اقل من ٢٥سنه
وواصغر اخوانه
وعارفين شكثر غلاه عند امه
وكيف تكون مدرسته ع كل صغيره وكبيره ومايخطي خطوه الا وهو معلمها
حتىً مره اذكر حنا مالنا سنه متزوجين ورحت انا وياه لسوق بعد نشاف ريق الا تتصل فيه وين انت قال بسوق قالت انتبه ع مصروفك وفلوسك
ومن غير المكالمات اليوميه فترة الغدا شنو اكلت شنو شربت وان كنت مسويتله شي غريب تقوله جيبلي منه
ويخليني اسوي للعيله كلها طبعا
وكلامها مستحيل تسافرين الا امي تكون معانا
طبعا مو بس امه امه ممنوع تطلع مع احد من عيالها لاي مكان الا ضرتها معاها
وخواته درزن من امه وابوه وومن ابوه
يعني ان نوا يسفرنا راح نتكلف مبلغ كبير وراح يلغي السفره وياويلنا ان سمعو ان حنا طالعين لاي مكان وماقلنا لهم
قبل يومين قلتله وناسه ليت ان وصلنا لديره نطلع للبر قال مافي طلعه الا امه معنا قلت حياها الله تجي معنا بس ليت مرت ابوك توافق عشان مانلغي الطلعه
طبعا مايحتاج اقولكم عن مرت ابوه حرمه كبيره ب٥٠ قريبه من عمر ام زوجي بس ام زوجي الاولى واكبر منها
ساكنين كلهم ف المنزل مايعزلهم غير غرف النوم
مرت ابوه متسلطه بشكل مو معقول مايمشون الا بموافقتها وان قالت لا يعني ولا احد يمشي
كلشي على كيفها وعلى مزاجها وراعية مشاكل وخبيثه وام زوجي قويه كمان بس ام زوجي سلطتها ع عيالها وحريمهم
متخيلين لمن نسافر عوايل معهم تناظرلي نظرات وترمي كلام وام زوجي توقف معها مره كنت حامل ووحام وتعب ونمت لين الساعه ١١ الصبح الا تجي تصارخ فوق راسي للحين نايمه متى تقومين ماصارت طول الليل ع الجوال وطول النهار نايمه
الا طنشتها وماقمت وقامت ام زوجي تنادي وحده من بناتها تقول صحيها صحيها مانبي مشاكل
طبعا الحمدلله انا الحين بعيده عنهم بمنطقه ثانيه
وكمية حقدددد وحسددد لاني بعيددده ولاجيتهم زياره ساعتين مافي اي تقدير ابدد ومن سوالفي الي ع نياتي
يدورون فيني الزله ولاروحت من عندهم تقلب مشاكل بيني وبين زوجي
بس الكارثه اذا نقلنا بنسكن عندهم
مره كان زوجي مسافر دوره وكنت انا عند اهلي اكثر من اسبوعين الا جاء ووخذالي فندق ثلاث ايام غرفة نوم وحمام بس لان ماعندنا بيت
المهم وزرنا اهله وقالي عبي ترمس شاي من عند اهلي ناخذه معنا لللفندق وحنا مروحين الا قالو ام زوجي ومرت ابوه كيف المكان الي انتم فيه مابه مطبخ قلت لا قالو ليه ماعندكم عزبه وكيف تسسوون قهوه وشاي قلت نجيب من برى الا اشوف نظرات الحقددد ومن بعددد ماعاد خذالي الفندق بلمرره ولاجينا لاهلنا لو نجلس شهر ماياخذلي فندق
حالنا مشتتين هو عند اهله وانا عند اهلي لين نسافر لديرة دوامه
المهم شلحل قسم بلله ممنوعه عن الطلعات كله عشان مايقولون مستانس هو زوجته لانهم بعيدين عنه
حتى مرات ام زوجي تتصل فيني لمن يكون زوجي له فتره ماكلمها
تتصل فيني وتسئل عنه وتقول شفيه الولد متغير ماعاد يكلمني لاانا ولاابوه مثل قبل
اقول مدري
قصدها يعني انه استغنى عنهم اوًاني ساحرته هههه
مادرت ان حياتي بشقا معاه
حتى مره صورة بحيره عاديه حطيتها بحالتي
الا صارت ضجه ف العيله ووويسئلون وين المكان الي رايحين له
يعني يترقبون حياتنا وانا ماعاد صرت احط حالات.
يكفي الاتصالات اليوميه الي يتصلون فيها لزوجي ويسئلون وين رحتم ووين جيتم
صار بهاذا السبب يحرمني من الطلعه ومن اي مكان
وان زوجي دايم سوالفها عن حريم عيالها ولدي فلان مطبخه وثلاجته تقل بقاله من الاغراض الي يجيبها وفلان ولدي لاوالله شاح شوي اغراضهم موً كثيره
ولمن جاتني نظراتها يمين ويسار
يعني تحب تفتش وتشوف وتستكشف وش ف بيت الحرمه
وان شافت شي تحطه باذن ولدها زوجتك وسخه لين يكره زوجته
بلله كيف هلاوادم المعامله معهم
قسم بلله احس تعاستي وسعادتي كلها مربرطه فيهم
وهم السبب ...