لك و ل غيرك من الاخوات اسألك لما تبدين تغرفين من كيس السكر لل مرطبان تذكرين اسم الله !! ونفس الشي الرز لما تاخذين منه للغدا و الدقيق تسمين !! 
ثانيا انَـت لما تطبخين كم نفر انتم عشان نحدد لك حتى لو 5 انفار كم تحتاجين معلبات وبعدين ايش المعلبات هذي اذا قصدك فول مدمس ‏​ٱ‏​نـْا العلبه تكفي 4 اشخاص طبعا يكون معها حاجه ثانيه اجبان زيتون 
من ناحية السكر فيه السكر الناعم تراه ما يبين الطعم تضطرين تكبين منه ف جيبي خشن اطعم و اوفر نفس الشي الملح جيبي الخشن و ب 5 ريال يجلس شهور و يطعم 
بعدين فيه نقطة انبه عليها في بعض الاخوات الله يهديها مثلا تصلح الغداء خل نقول كبسة و تكثر و يبقئ عندها مقدار وجبة ل نفر نظيف و محد اكل منه تروح ترميه بالزباله و انتم بكرامه هذي لا يمكن يبقى الشي عندها غير الاثم اللي عليها نفس الشي لو زاد عندها ايدام والا شوربه ما تحتفظ فيها و تاكلها من بكره او تعطيها الصغار عشاء ترا افضل من تكبينها المحافظه عالنعمه اول طريقه من طرق شكرها 
‏​ٱ‏​نـِْ♡̨̐ـِْا عندي قاعده لما اوزن الاكل احنا اثنين بالغين و 3 اطفال احط كاسين و نصف رز وليمه النصف هذا زايد علي بس ‏​ٱ‏​نـِْ♡̨̐ـِْا ابيه عشاء ل بناتي عشان لما نطلب من برا هم ما يحبونه ف عندهم عشا جاهز و نظيف 
لما يكون مع الرز ايدام احذف النصف لان فيه ايدام عشان ما يبقى من الرز شي بس يبقى ايدام و هذا لو زاد منه اي كميه لو فنجال قهوه ما ارميه اخليه عشاء او فطور معه حاجه ثانيه 
امي الله يشفيها عودتني على هذا الشي لو يزيد كسرة خبز ما ارميها اشيلها بالفريزر و لما نطلع البر احطها للطيور و اهلي متعاملين مع مزرعه ناس نعرفهم كل فتره و فتره نجمع خبز و ارز يكون باقي كميه صغيره و نعطيهم 
وهذا السبب اللي يخلي النعمه تدوم 
و فيه سبب ثاني و ارجو ما تزعلين يمكن فلوسكم موب حلال و المال الحرام ما فيه بركه ف انتبهي الله يرضى عليك 

و الله اول ان ال500 تملى المطبخ اشكال و الوان من نعم ربي ، لكن اللحين و ربي ما اطلع الا ب 1800 .. الشكوى لله ..

جيتي بتأخذين من السُكر سمي و الرز برضو و كل شيء اذكري اسم الله عليهه و ادعي ان الله يبارك لك فيه ..

و ادعي ان الله يبارك ب 500 ..

مثل ما قالوا الاخوات فكره انه كل شهر تاخذين صنف من الاصناف حجم كبير ممتازة جداً ..

انصحك تستنين وقت العروض دايماً لان يكون فه تخفيض كبير .. اذا تتقضين من العثيم اسالي تبع خدمة العملاء متى يكون عندهم عروض ؟

شوفي بدائل / زي الحليب البودرة مثلا ب 64 و لا يجلس اسبوعين .. و حيل غالي
استبدليه ب حليب وادي فاطمة المركز اللي ينصب مع الشاهي يا زينه و يا ملحه ملحاااه و لا حليب السعودية ..

و خواتي صادقات المعلبات تاكل الفلوس ما تبقى .. ع اخر الشهر

الفطور مر شكشوكة مر بيض عيون مر بيض مسلوق مر فول مر جبن و عسل مره قشطة و زيتون و لا تحطين اكثر من صنف
و سمووا قبل الاكل . و الله مرات الواحد يغفل عن اشيا بسيطة و تسوى الكثير برضو اكثروا من حمد الله ... و لاحول و لا قوة الا بالله

الله يرزقكم من واسع فضله

٥٠٠ ماتسوي شي مع غلا هالايام
لكن حاولي تسوين مثل مانصحوك البنات فيه
وعليك بالدعاء والاستغفار وتصدقوا لو ب١٠ ريال تطرح في مالكم بركة
ع فكرة بقول معلومة الصلاة ثم الصلاة اساس البركة في المال والرزق
ياحبيتي يا اختي يصرفون بالشهر ٣-٤ الاف ولا تكفيهم تقول مادري كيف تخلص الاغراض والسبب معروف زوجها الله يهديه مايصلي ابد
راتبهم فوق ١٢ الف ماعندهم غير طفل مايجي نص الشهر الا متسلفين
يشتري سيارات وماتقعد معها يصدم فيها تنسرق
يغيروا اثاثهم مايدوم معاهم يطلع فيه عيب مع انهم شارينه من محلات معروفه وغالي
الله يفتح قلبه للصلاة

المعلبات تاكل الميزانية وكلها مواد حافظة حاولي تقللين منها وتتجهين للأكل الطازج
انتبهي للعروض
قارني بالأسعار واربطيها بالأوزان
فيه أغراض زي المربى والزيتون تقدرين تشترينها أحجام كبيرة جدا وتوزعينها بعلب أصغر
الأجبان التشدر والبيضاء خوذيها بالكيلو
حليب النيدو اشتريه كيس مو علبة وحطيه بعلبة
الفول اشتريه حب مجروش واطبخية بموية بس ولما يبرد وزعية بأكياس وحطيه بالفريزر
الخضار والفواكه خوذيها من الكبرة مو من السوبرماركت

السﻻم عليكم
أسأل الله أن يبارك لكم في مالكم وحياتكم..
ياقلبي ليتك تتقضون من سوق الخضرة أرخص من السوبرماركات مرة غاليه..
حاولي تقتصدين باﻹستخدام إذا عندك شغاله أو أوﻻدك يسرفون باستخدام اﻷشياء حاول إنك تحطين على قدهم..
ماهو ﻻزم تشترون من اﻷشياء الغاليه فمثﻻ ماله داعي تشترون قشطة التاج فهي أنواع قشطة أطعم وأرخص وبالنسبة لتايد كمان فيه منه أنواع تايد رخيصه وتنظف ورائحتها حلوة...
ودائما سمي عند اﻹستخدام وإسألي الله البركة في كل شئ وكل وقت...