مرحبا
انا ابي استفسر عن حاجه مكدرة حياتي ودايم ابكتب عنها لكن قلبي مايطاوعني00
لكن اليوم يوم وصلت تنزيل الشناط وطرد من البيت قلت مافيها لازم اشاور خواتي وسنايدي
واعترف لكم بخطاي الكبير 000:icon33:
انفلات اللسان عند زوجي:09:
بنات فيه احد زيي اذا عصبت ينفلت لسانها ياليت ماتحرموني من تجاربكم وحلولكم
لاني انا اصبر اصبر اصبر شهور واذا انفجرت خربت كل الي بنيته ولو عندي اي شيء كسرته
وكلكم تعرفون ضروفي واني ساكنه مع اهله ولايخفى عليكم الظلم الي تعرضت له واختلاف الطباع
الي عجزت اتأقلم معها من خمس سنوات:icon33:
ولو يصير بيني وبين زوجي اي كلمه علطول ادخل اهله وادعي عليهم
ولان الكلمه لامه دايم اقول لو بك خير ماهو مره تدبركم وخواتك يمشن حياتك وانا الضحيه الي تزوجت واحد ماله كلمه
ودايم عند المشاكل اقوله ازواج خواتك ارجال هم الي يتحكمون فيكم
ومن هالموال
واحيانا اتحسب عليه وعلى اهله
والله عجزت يابنات من هالمشكله لازم كل هوشه ينفلت اللسان!!! والخافي اعظم
انا اعترف اني اخطئت ولكن مالي الا سنتين منفلته اخلاقي زفت ونفسيتي زفت والضحيه انا وزوجي
واحيانا اقول انا مابيك ومن هالكلام ويقوم ينزل الشنطه ويقول روحي لاهلك
كم مرة انتصر لكرامتي واضف عفشي<<<<<المشكله انا المخطئه
ونرجع من نص الطريق
لكن الحين اهلي قالوا لي لاتسوين هالحركه وبديت احاول اضيع الموضوع لان اهلي عارفين الخطاء علي
انا يابنات انقهر مره خاصه ان اهله مايحترمونه ولا له كلمه وبالاخير انا الضحيه
لا يقدر يعالجني للحمل ولايقدر يطلعني بيت لانه هو الي يستاجر لاهله وكل سنه يتسلف او يستدين عشان اهله لانهم000(000)
وانا الضحيه ماقدر اشري شيء حلوا ومميز الا اخذه من اهلي القيمه والله ان راتبه كله ديون
ا
نا صراحه مليت ان شكيت لاهلي سكتوني بالفلوس وان سكت زاد همي وقهري الحريم من جهه وهو من جهه
هو حليم مره والا كان من زمان متطلقه منه لكن انقهر احيانا يزعلون ويطلعون هم وباقي اخونه وخواته كشتات
ومايقولون لنا
ولفكرت اثاريه غيره وقهر ياما اني اكون طالعه انا وهو من قبلها والا لابسه بلوزه والا جلابيه جديده واه بس يالقهر
المشكله يحسبونه منه مادروا ان ابوي مشيلي راتب شهري 00والله بديت مالبس جديد الا باسنه مره والا اخبي
الجديد عند اهلي وخوالي كله اخاف يحسبونه منه ويزيدون بالطلبات
لانهم كل شيء يستغلونه اي زيادة بالرواتب والا مكرمات ملكيه لازم يستغلونها ياسفر يأثاث والا0000
دايم اهلي يقولون خلي السانك على اهله وحمواتك مو عليه ريحيه لكن عجزت قدامهم لااسمع ولاارى ولا اتكلم
واحط الحره فيه
لانه هو السبب الي خلاهم يتمادون علينا بسكوته تخيلوا من ضمن المواقف الي تقهر الشغاله جت من اندنوسيا مادرينا
الا هي داخله وقبل بأسبوع تقريبأ يلمحون والقهر ان زوج اختهم مدبرهم وولدهم الي بالبيت يكد عليهم مادرى
قهر قهر
وانا ماتعودت على الرجل الرخمه ابوي الكلمه كلمته الحرمه مالها دخل الا تطلب وهنا لا الكلمه للمره والرجل يدفع
والقهر الثاني هالشايب الي لازعلوا زعل ولارضوا رضى
والله ارحم زوجي احس انه مظلوم من اهله وجيت انا زودت العله علتين
انا اليوم تهاوشت معه لان امه تقول ماني راجعه لبيتي الا لزوجت ولدي يعني ابجلس خمس سنين ثانيه لين يتزوج الله
يعيني
اقوله دور بيت على الاقل اوسع وانظف ماله شور اصلا اكثر كلمه اسمعها منه((( اصبري)))
تخيلوا جالس ابوه يدور بيت هو واخوه والي عندي مادرى انا الي اجيب له الاخبار لجلسنا يتكلمون فيها
يارجل انت الي بتستاجر !!يرد انا لقلت شيء اخاف اهلي يفهموني غلط اني مابيهم !!قهر قهر قهر
اجيب انواع الحلول مايرضى 00قدم نقل لمدينه ثانيه 000خل نرجع لديرتنا لو انتداب ست شهور ونرجع بيت لحالنا مايرضى
من ثلاث سنين يقول مقدم بعد مازعلت عند اهلي وتخيلوا من شهر يقول ماقدمت 00اه يالقهر
معليش قرقي كثير لكن انصحوني ثبتوني لاني اكتشفت اني نزلت مستواى لادنى درجاته من هالعايله هم ولدهم
وتوي انتبه اني على خطر
انا مودي اخسر زوجي ودي ارجع لكبريائي واحتراميي واسلوبي الاول !!ياترى فيه فرصه؟؟؟
عسل قليل الدسم @aasl_klyl_aldsm
محررة فضية
يلزم عليك تسجيل الدخول أولًا لكتابة تعليق.
زنجبيلا
•
الله يهديك ..لسانك حصانك ان صنته صانك وان خنته خانك
بداية حل المشكلة هو الاعتراف بها وانتي الحمدلله اعترفتي ان الخطأ فيك وترغبين بحل المشكلة ...
ثانيا تفكري تدبري..انتي وش آخرتك؟
قبر ..صح؟
بالحالك معك اعمالك...تخيّري لنفسك من الآن أي الأعمال تبينها تظلك بقبرك ويوم القيامة ...
تذكري إن الناس يكبون على وجوههم في النار بسبب حصائد ألسنتهم..
هل نستي الملائكة الكاتبين؟
طيب ايش تستفيدين من كلامك على اهله ؟
هل تجنين فائدة ؟ تحسين بنشوة وانتصار؟؟
الصبر عظيم ومن عظمته له باب في الجنة ..ومن تصبر صبره الله ..لسانك اشغليه بذكر الله ..تعوذي من الشيطان وامسكي زمام غضبك..
ناظري بإيجابية لواقعك..وزوجك طيب ووفي..تخيلي ان ولدك يكون مثل ابوه يحن عليك ويبي رضاك ..تفرحين صح؟؟
لا تصيرين أنانية ...والحياة شراكة ..وقيل الدنيا لا تؤخذ غلابا ولكن تؤخذ بالتأني... اصبري وادعي وكل مابغيتي تتحسبين عليه وعلى أهله استغفري الله واذكري ان كل كلمة ستكتب في صحائف اعمالك وما اظن بيسرك شوفتها يوم تعرض عليك يوم الحساب صح؟؟
وعسى أن تكرهوا شيئا وهو خيرا لكم ، والمؤمن مبتلى والحمدلله وعلى عظم الجزاء يكون الابتلاء ..
حاولي تحافظين على حب زوجك وترغبينه فيك مو تنفرينه..وشوفي مصائب غيرك واحمد ربك أولا وأخيرا..
أسأل الله العلي القدير أن يفرجها عليك وعلى كل مسلم ومؤمن ويربط على قلبك بالتقوى ..ويرزقك سعادة الدارين ..
بداية حل المشكلة هو الاعتراف بها وانتي الحمدلله اعترفتي ان الخطأ فيك وترغبين بحل المشكلة ...
ثانيا تفكري تدبري..انتي وش آخرتك؟
قبر ..صح؟
بالحالك معك اعمالك...تخيّري لنفسك من الآن أي الأعمال تبينها تظلك بقبرك ويوم القيامة ...
تذكري إن الناس يكبون على وجوههم في النار بسبب حصائد ألسنتهم..
هل نستي الملائكة الكاتبين؟
طيب ايش تستفيدين من كلامك على اهله ؟
هل تجنين فائدة ؟ تحسين بنشوة وانتصار؟؟
الصبر عظيم ومن عظمته له باب في الجنة ..ومن تصبر صبره الله ..لسانك اشغليه بذكر الله ..تعوذي من الشيطان وامسكي زمام غضبك..
ناظري بإيجابية لواقعك..وزوجك طيب ووفي..تخيلي ان ولدك يكون مثل ابوه يحن عليك ويبي رضاك ..تفرحين صح؟؟
لا تصيرين أنانية ...والحياة شراكة ..وقيل الدنيا لا تؤخذ غلابا ولكن تؤخذ بالتأني... اصبري وادعي وكل مابغيتي تتحسبين عليه وعلى أهله استغفري الله واذكري ان كل كلمة ستكتب في صحائف اعمالك وما اظن بيسرك شوفتها يوم تعرض عليك يوم الحساب صح؟؟
وعسى أن تكرهوا شيئا وهو خيرا لكم ، والمؤمن مبتلى والحمدلله وعلى عظم الجزاء يكون الابتلاء ..
حاولي تحافظين على حب زوجك وترغبينه فيك مو تنفرينه..وشوفي مصائب غيرك واحمد ربك أولا وأخيرا..
أسأل الله العلي القدير أن يفرجها عليك وعلى كل مسلم ومؤمن ويربط على قلبك بالتقوى ..ويرزقك سعادة الدارين ..
والله ياعمري مدري ايش اقول لك غيرالله يصبرك على ما بلاكي وحاولي ما تحتكي بيه يعني ابداي النقاش بعقلانيه وسعة صدر ورواقه لكن اذا كنتي غير كذا لا تتكلمي بشي لأنك ممكن تعصبي واول ما تشوفي نفسك عصبتي لاي سببب من الاسباب اتركي المكان اللي انتي فيه واقصري الشر الين تهدي واكثري من الاستعاذه من الشيطان الرجيم والله ييسر امرك ياااااااااااااربوالله ياعمري مدري ايش اقول لك غيرالله يصبرك على ما بلاكي وحاولي ما تحتكي بيه يعني ابداي النقاش...
جزاك الله خير لكن وين اروح انا ماعندي الا هالغرفه واذا طلعت لازم علي شال ماقدر انزل وانا معصبه لان مافيه تحت الا الصاله والمطبخ والباقي مستغل والكل يجلس يتفرج علي وانا اصيح
ماقدر اترك المكان
حتى مره قلتله اذا بدئت العواصف اطلع انت برا البيت لين تهدا لكن بالغالب ماشوفه الا بالليل وين يطلع
والله حاولت كثير لكن كل هوشه اكتشف اني اخطئت اكثر
ماقدر اترك المكان
حتى مره قلتله اذا بدئت العواصف اطلع انت برا البيت لين تهدا لكن بالغالب ماشوفه الا بالليل وين يطلع
والله حاولت كثير لكن كل هوشه اكتشف اني اخطئت اكثر
يختي حرام عليك والله
هو منضغط من اهله وانتي تضغطين عليه زياده وتسبين فيه وفي اهله
ترى الرجال مايحب الوحده تجرح رجولته صدقيني يدور وحده غيرها عشان تحسسه برجولته >>زي كلامك انت مو رجال ومدري وشو
ثاني شي ان كثرتي اقعدي صيحي عشان يرحمك مو تزيدين عليه>>والله اني رحمته
الله يفرج لك يارب
موفقه
هو منضغط من اهله وانتي تضغطين عليه زياده وتسبين فيه وفي اهله
ترى الرجال مايحب الوحده تجرح رجولته صدقيني يدور وحده غيرها عشان تحسسه برجولته >>زي كلامك انت مو رجال ومدري وشو
ثاني شي ان كثرتي اقعدي صيحي عشان يرحمك مو تزيدين عليه>>والله اني رحمته
الله يفرج لك يارب
موفقه
اختي في الله ذكر الله في كتابه ياايها الانسان انك كادحا الى ربك كدحا فملاقيه واعلمي اختي ان الصابرين يدخلون الجنه مع ابو بكر الصديق رضي الله عنه انتي لاتقبلين ان يتعرض لااهلك وفي نضرك ان اهلك ملايكه وهوقد لايراهم كما ترينهم وهو يرى اهله لايخطؤن وانتي عكس ذلك واعلم ان من يسقي الناس العلقم لابد يوما ان يتذوقه وخافي الله في زوجك وتذكري ان هناك من يراك ويراهم وان دعوة المظلوم دعوة لاترد والله يهديك ويوسع بالك ويرزقك بالذريه الصالحه ودعواتكم لي ولامي وابي واولادي والمسلمين
الصفحة الأخيرة
والله ييسر امرك يااااااااااااارب