شموعي أنا :

الله يسلمكم جميعاً احرجتوني والله بسؤالكم عني مررررره احبكم كلكم وربي الحمدلله اموري تساهيل ولله الحمد صارت لي اليوم مواقف مضحكه جداً جداً اول ما دخلت عندهم ارجف رجف من الروعه والخوف قالو لي البسي ملابسهم وانسدحي وفعلاً ما فيه اي خصوصية معي اربع بنات كلهم مثل العسل ربي يرزقني واياهم كل ما جت ممرضه هنديه او فلبينية اوبريطانيه اوقفها وكأني اشكي لها ممرضه انا فيه خوف ممرضه حتى مسكن قوي ممرضه انا بطن تعبان وقلب تعبان ومخ تعبان عشان انا خوف وكل وحده تطمني بإسلوبها لااااا ماما انتي سترونق انتي ممتازه انتي قويه جت عندي الدكتوره اللي اتابع عندها اللي هي تابعه لدكتوري انا وسألتني قالت تبغين المثبتات نصرف لك تحاميل والا ابر ؟ قلت لها انا ابغى ابر التحاميل من ورى والا من قدام ؟ 🥴 قالت لي من قدام عرفت انها ذيك ام عصا اللي تحوم الكبد 🤮 قلت لا لا ابغى الأبر احسن قالت لي حطي في بالك انها ابرتين مهيب وحده 🤣 قلت لييييه ؟ قالت عشان وزنك يا حلوه انتي سمينه 🤢🤢 بنفس الوقت اللي هي تقولي كذا على يساري الممرضه تمعط يديني عشان تغز المسكن التفت انا ع الممرضه قلت حطي لي مسكن دبل يا سستر واناظرها بنص عين 👀 قالت الممرضه لا ماما ما يصير هي جرعه موحده عشان مافيه بنج وطبعاً الدكتوره ما زالت ع يساري قلت للممرضه ما عليك ما عليك زيدي لي الجرعة انا حرمه سمين انا دبا لازم دبل مسكن مثل دبل ابره مثبت وقتها حسيت الدكتوره ودها تخنقني ثم قلت للدكتوره طيب خلي الدكتور ينتبه وهو يسحب البويضات ترى جنب المبيض قريب منه فيه كيس 😆😆😆😆 احسها تقول بنفسها وش ذي تعلمنا شغلنا ردت لي قالت الكيس اللي عندك مالنا احنا علاقه فيه لأنه يخص الباطنيه المهم حطو لي بالوريد حق التوتر انا من رفالتي او الايحاء النفسي قال لي ان هذا هو مخدر وانهم كانو يسوون لك مقلب قسماً بالله بنات اني انسدحت لا ارادياً وغمضت عيوني الا والممرضه تضحك تقول وين ماما توني ما دخلت الابره اصلاً احس اني تفشلت ويارب الدكتوره والبنات الموجودات ما انتبهو حطو لي هذا المغذي ثم قالو روحي للحمام فضي قلت لهم انا فيني قولون وامساك والتهاب بول وبطني يعورني وما اقدر انتفس اكتبي لي مضاد يا دكتوره قالت ليش المضاد ؟ قلت كل عمليات السحب حقتي جاني منها التهاب بول قالت انتي اصلاً اول مره عندنا قلت لها اي قبل سويتها بالحبيب وجاني التهاب بول قبل ثلاث سنوات جت الدكتوره بتكتب قلت لها زينات لو سمحتي هو الوحيد اللي ينفع لي 🤓 دخلوني غرفة العمليات وكل الموجودات هنديات وفلبينيات ووحده بريطانيه قامو يرقصون قدامي ويستهبلون حبيباتي يبغوني اضحك وما اخاف ما درو اني اقول بنفسي يا حليلهم والله يحاولون يوسعون صدري مررره حبيتهم علمتني الممرضه خطوه بخطوه انها بتنظف المنطقه انها بتربط رجولي واسلوبها كان جداً جمييييل ولطيف وجت جنبي ممرضة اول مره اشوفها قالت ماما بنعطيك الحين مسكن قوي بالوريد ثم بنعطيك اقوى منه بعد فتره قلت لها ليييش قالت لي عشان وزن انتي في كبير 😒😒😒😒 معليش مقبوله هالمره دبا انا دبا مقبوله دام فيها مسكن اقوى نمت بصراحه ما حسيت بالبداية بأي شيء بس صحيت على وجع مثل وجع الدوره وشبيه بأشعة الصبغه ولساني ثقييييييل كان الدكتور يسولف معي عن دوامي يحسبني مصحصحه والله مدري وش قلت له عسى ما جبت العيد بس بس اللي اذكرررره زين زين اني سألته بالأخيرررر وانا نص نايمه الحين انت الدكتور سعد ؟؟؟ احسه يقول افااااا وطول ذاك الوقت اسولف مع مين انا او بيقلبني من ع السرير ع الفهاوه اللي كنت فيها قال لي اي نعم ان الدكتور سعد تخيلو بنات قلت له انت ويييينك انا ادورك من ثلاث سنين يااارب ما يكون صدق اللي انا قلته ياااارب يكون خثرقة مخدر وبس قال لي بعد اذكر اني بسحب الكيس اوك ؟ او مو اوك ؟ قلت له اي الله يعافيك والله يجزاه خير سحب الكيس اللي كنت شايله همه وكان قريب من المبيض وكانو يقولون ما لنا شغل فيه والحمدلله جلست بعدها بالافاقه حول ساعتين قالت لي البريطانيه ان الكسجين شوي نزل وحطت لي اكسجين نص ساعه وجابو لي اكل وطلعت ولله الحمد والمنه

الله يسلمكم جميعاً احرجتوني والله بسؤالكم عني مررررره احبكم كلكم وربي الحمدلله ...

امنيتي الغاليه :

كيفكم بنات امس كان سحب البويضات ،، بعدها حطولي مغذي لونه ابيض intralipid اول مره اخده بعد السحب يمر ببطء خلال ساعتين ،،، سبب لي اوجاع زياده في بطني واسهال (انتو بكرامه) حد جربه قبل كدا؟؟؟

كيفكم بنات امس كان سحب البويضات ،، بعدها حطولي مغذي لونه ابيض intralipid اول مره اخده بعد السحب...

Sandy bl :

شموع الحمدلله ع سلامتك والحمدلله سهلات ههه ياحبيلك مت ضحك عليك وقصتك انا دوبا زيدي مسكن ههههههه اللله يفرحك بتلقيح بويضاتك ماقالو متى الترجيع او ناويه تجمدين كان فيك كيس على المبيض يعني واخذتي منشطات وهو فيك كم حجمه ؟

شموع الحمدلله ع سلامتك والحمدلله سهلات ههه ياحبيلك مت ضحك عليك وقصتك انا دوبا زيدي مسكن...