أم التوفي :

انا مثلك ان شاء الله يا قمر .. ولادتي بإذن الله في شهر واحد .. يعني عز البرد الله يسهل .. اول شي تسوينه تجهزين ادويتك للنفاس وكل شي بعلبة ومكتوب عليه اسمه .. الحلبة خذيها اول 10 ايام فقط .. وبعدين كملي بالماش .. اطبخيه مع الاكل وطعمه لذيذ ... الصباح بدري لازم يكون فطورك .. مصابيب مع سكر وسمنه, او مصابيب بكشنة البصل , او مصابيب بالعسل .. اللي يعجبك .. وتاخذين ادويتك الفجر والمغرب .. الغدا مرقة لحم تكون الساعة 12 الظهر .. والساعة 2 تكون الخدامة مجهزة الطبق الرئيسي اللي يكون مرقوق , مطازيز وطبعا تكون حاطة معها مقدار ملعقة كبيرة ماش .. اول العصر تكون مجهزة لك شاي النفاس اللي يكون مكون من كمون وقرفة واشياء ثانية .. بترمس عندك وتشربين منه طول اليوم .. القهوة الخاصة فيك خليها قهوة القشر او خذي من قهوة ام الفاتح وتلقينها في العروض التجارية .. انا ناوية اطلب منها قبل اولد .. العشا لو حبيتي خبزة بر مع حليب وطحينيه .. نامي بدري واصحي بدري .. اهتمي بنفسك كثير وعودي الخدامة على ولدك الكبير تنتبه له .. ادوية النفاس ممكن تصلحينها بنفسك من نظام فيافي .. اخذت منه الاشياء اللي ناسبني في نفاسي الاول .. اخذت فقط اللهوم وشاي النفاس .. اول ما تجي الخدامة اعطيها ورقة بالجدول اللي بتمشين عليه وفهميها اياه .. خليها تصحيك تفطرك وتغديك وتعشيك .. جهزي الارطا وهو شكله يشبه التراب .. يغلى ثم يصفى وتغسلين به في العشر ايام الاخيرة .. برضو قشر الرمان يمدحونه كغسول .. اول ايام الولادة استخدمي كريم ميبو للخياطة ممتاز .. وبعد ما تطيح الخيوط ابدي غسلي بالملح الفارسي والكمون واذا حبيتي المرة بس حطي قطعة صغيرة مرة .. اذا تبغين وحدة تبيع ادوية نفاس عندي رقم وحدة مجربتها اختي .. وفيه ثانية ناوية انا اجربها .. الطفل لا تلبسينه ملابس كثيرة لانه بيكون ملفوف وفي السرير وماراح يتعرض للهوا .. يكفيه بربتوز داخلي نص كم مع اوفر اول قطن مسكر الرجول عادي مو صوف والمهاد وفوقه الشرشف .. لا تكثرين الملابس عليه علشان ما يحتر ويتأثر بأي نسمة هوا تجيه .. انتي جهزي نفسك بالبناطيل الداخلية والشرابات حتى لو لبستي بيجامة .. لا يدخلك هوا .. لاتمشين على الارض حافية .. لفي راسك بشال او سكارف او اي شي اهم شي لا يدخلك هوا .. هذا اللي جا في بالي الان .. لو حبيتي تسألين عن شي ثاني عندك الخاص مفتوح .. الشيمة عندي نازلة .. لو استفدتي من اللي كتبت ارجو منك دعوة بان الله يتمم حملي على خير واولد طبيعي .. الله يهون علينا جميعاً ..

انا مثلك ان شاء الله يا قمر .. ولادتي بإذن الله في شهر واحد .. يعني عز البرد الله يسهل...

sweet_dana :

وازيييييييد عليهااا الكبوووو تبخري من تحت والله يهون عليك وتقومى بسلامه :)

وازيييييييد عليهااا الكبوووو تبخري من تحت والله يهون عليك وتقومى بسلامه :)