ااه من الحياه والظروف القاسيه

مساء الخير خواتي الحبيبات انا ودي افضفض معكم واخرج اللي في قلبي شي ما اقدر اصارح به احد الا انتم وما ابغى تجريح او لوم افهموني فيه اللي يكفيني انا متزوجه واحد وحيد اهله لا اخوان ولا اخوات ولد خالي ابوه اموت فيه واتقبل كلامه امه يابنات ما اكرها بس هي تعاني من فراغ كبير رفضت تروح مركزلنحفيظ القران تبغى الحياه بس زيارات وتماشي واذا جلست في البيت تقول طفشانه ومتضايقه هذا مو اللي تاعبني اللي تاعبني بس جالسه عند الباب تراقب في دخلتنا وخرجتنا وبس عليه بالجوال وش تسووا ووين العيال بتقولوا من حقها عشان ماعندها الا هالولد طيب انا وش ذنبي مو من حقي اعيش بدون ما احد يراقبني ويراقب تحركاتي ويدخل في حياتي والله يابنات حتى اذا صرت اكلم عيالي تدخلت احد من الجيران سألني عن شي تقوم ترد بدل مني واحيانا احس تتصرف قدام ولدها تصرفات ما تناسب سنها وتحاول تدلعه ما كنه رجال صار عمره فوق 40 بنات لاتقولوا وحيدها ومن حقها ردوا عليه بعقل لاني صرت بستخف اوقات ماارد على اتصالها عشان تفهم واوقات اخلي عيالي معي امل وهم بعيدين عني حتى اوقات كلامها معهم ما يعجني والله اني في هم وحيره من امري وزوجي صرت احاول ما اتكلم او اشكيي منها قدامه لان ما بيده شي هي عصبيه وبعدين يابنات جريئه مره عليه مو مثل الحريم اللي يستحوا من عيالهم اذا كبروا وتزوجواافيدوني الله يريح بالكم او قولوا لي طريقه اريح فيها نفسي والله اني احس بضيقه اذا دريت انها كلمت ولدها اوطلبت منه مشوار لاني ادري بتتكلم معه في كل شي مره هي جريئه عليه وتحب تحاسبه وتعاتبه بحجة ما عندي الا انت حتى صرت احس يتجنب الكلام معي قدامها عشان لا تزعل واوقات احس تغار مني وش اسوي والله اني اكثر من الاستغفار ابغ ارتاح بأي طريقه