ااه من خيانة زوجي انا منهااااارة

السلام عليكم
ادخل في الموضوع على طول
نفسيتي جداااا تعبانة محد حاسس فيني
ااه ياربي ايش اسوي ابغاكم تدلوني
انا ركبت في جوال زوجي برنامج تسجيل الصوت اقسم بالله كنت شاكة بشي بسيط ان يكلم بنات ماتوقعت ابدا توصل للزنا
اكتشفت شي جدااا صادم الخميس هذا اللي راح وصلني عند اهلي
على 6 ونص المغرب
وطبعا شغلت التسجيل في جواله
المهم كنت اراقبه بالخريطة لاني ركبت برنامج تعقب ومعرفة المواقع
المهم وانا عند اهلي اكتشفت ان راح لبيتي وجلس فيه ساعة تقريبا استغربت لان في العادة مايجلس في البيت حتى لو انا وبنته موجودين ايش رايح يسوي لحاله هناك
قلبي نغزني والله وكنت استنى يجيني من عند اهلي بفارغ الصبر عشان ينام واشوف ايش سجل البرنامج
واخيرا جا عالساعة 12 في الليل ورحنا لبيتنا واستنيته ينام واخدت جواله ووقفت التسجيل ورحت جالسة اسمع
وياليتني ماسمعت اااه يا بنات
لمن وصلني عند اهلي بعدها جلس يلفلف بالسيارة وكل مالقى حرمة واقفة يقولها تبغي اوديكي مشوار ببلاش ما ابغى منك شي وركبت معاه وحدا فاجرة وجلسو يتكلمو في السيارة ان عندها مزز ومدري ايش
المهم قالها انا بيتي قريب من هنا ا\ا جيتي معايا اعطيكي 1000 ريال ووافقت
وراحو لبيتي حسبي الله ونعم الوكيل وسو فعلتهم وسمعت اصوات تفاعلهم وانتو اكيد فاهمين
والمشكلة كان دوبو مخلص معايا وكنا في هذاك اليوم جامعني مرتين ااه يابنات نفسيتي في الحضيض
المهم وانا جالسة اسمع السكر مرررا نزل عندي وبعد ما خلصو خرجو من البيت جلس يقولها ايش المزز اللي عندك وقالتله في وحدا افغانية وحضرمية ومدري ايش وجلس يقول الافغانية ايش وضعها وكم عمرها قالتله 20 سنة وقالها ظبطيني مع الافغانية يوم الاثنين عالمغرب او العشا لان زوجتي حتروح لاهلها الاثنين وبعد 11 في الليل ما ابغى لان زوجتي تفكرني بالدوام
وقالها ظبطيني معاها وانا ماراح اقصر معاكي
ولسا ما كملت وانا اسمع جاتني 100 فكرة وانا منهااااارة وتعباااانة
واخر شي رحت اخدت بنتي واخدت جواله ورحت لاهله كانت الساعوة 3ونص في الليل
ورحت سمعتهم التسجيل هم كانو يكذبوني بس لمن سمعو التسجيل صدقو
المهم ان هو صحي ومالقاني في البيت ولا لقى جوالاته وجلس يدق كل شوي على جوالو وانا اعطيه مشغول الين ما راح لاهلي وسألهم عني واهلي خافو علي مررررا
وبعدين رديت وعرف اني عند اخوه وزوجته وجا لعندو
المهم ان لسا مصر على الانكار حسبي الله ونعم الوكيل فيه
وقال جالسين نمزح وانا اعرف ان هي حطت التسجيل ومدري ايش
ورحت لبيتي عشان الم اغراضي لان بعد ما زنى ما اقدر اجلس معاه
وحرقت صور العرس حقتي وانا ابكي وجلست الم اغراضي وهو جلس يترجاني ان اجلس واني ما ادمر حياتي وان اللي سمعته غلط ومدري ايش وقلتله بعد عني ما اقدر اسامحك ابدا
ورحت نمت طبعا ماخليته ينام معايا بنفس الغرفة وجا وصحاني وجلس يقولي قومي خلينا نتفاهم ومدري ايش وما اعطيته مجال نهائيا
المهم اني نمت وفي اليوم التاني يبغى يسوي نفسه الضحية قام دق على ابويا وقالو بنتك تمشي مع شباب ومدري ايش وابويا دافع عني وقال بنتي اعرفها مستحيل تسوي زي كدا وقالو ما تبغاها دحين اجي اخذها بس لا تفتري عليها
المهم وجاء ابويا واخويا وساعدوني على لمة الاغراض وانا مو مصدقة اللي جالس يصير اتمنى يكون كابوس واصحى منه
وهو يدق علي وابويا قاللي لا تردي عليه واعطيه مشغول وجا للبيت واحنا نلم الاغراض وهو حزين ويقول لابويا بدال ما تعقلها وتطلب منها ما تخرب بيتها جالس تساعدها في هدمه وابويا قاللو انت اللي هدمت بيتك بيدك
وطلعتلو دموع وخلاص رحنا لبيت اهلي وهو كان حزيين وزعلان
سبناه عند البيت
المهم انا دحين عند اهلي وحياة اهلي جدااا صعبة فقر شديد على بيت صغييييييير 8 اشخاص ساكنين في بيت مكون من غرفتين وحمام واحد فقط هذا غير المشاكل الكتيرة حقت اهلي وغير حبسة البيت اهلي مايطلعو الا في السنة حسنة
وفووووووق كل هذا احب زوجي فوووووووق ما تتصورو
قولولي الحل وهو يتوعد ان حيعلقني سنيين في المحاكم وماراح يطلق
وانا احبه واحس اني اشتقتله من دحين
اااه ياربي بس مو قادرة انسى اللي سواه
اعطوني رأيكم وادعولي يا بنات ان يتوب ويرجعلي مع اهلي رافضين نهائيا فكرة رجوعه
وقالو ماراح ترجعي لهذا الفاجر مع العلم ان هو مو مقصر معايا بشي وطيب وحنوون بس فعلته هذي هدمت كل شي