roofy2005 :

هذا محل بوريك مره اشترينا منه بالجبنه وبالسبانخ هذي مكتبه للكتب مكانها على نهاية شارع الاستقلال مشغلين مع الصباح موسيقى بأعلى صوت رجعنا لبداية شارع الاستقلال واضح على يمين الصوره سيارة البلديه (النظافه) دخلنا كوفي saray muhallebicisi نفسه اللي مره صورته وهو يستعرض بالشيره هذي كانت عالطاوله وصورتها طلبنا كابوتشينو (لذيذ) وقهوه تركي ومهلبيه ماشاء الله.. رجعنا الفندق عشان نستعد للمغادره ،، عالساعه 11 جانا الشاب اللي وصلنا فأول يوم ومع سواق وسوى اجراءات الخروج،، هذي المره شيك على الغرفه وقال موظف الاستقبال فتحتو قارورتين ماء واحنا ملمسنا شي ..وقلنا له ،،جلس يهز براسه زي مالي شغل المهم اخذ 3 ليره تقريبا ومشينا .. هذي صور من طريقنا لمطار اتاتورك يعتبر بعيد شويه جالسه اصور والسياره ماشيه هههههه اول مانزلنا المطار دخلنا فكان قدامنا تفتيش ،،بعد التفتيش رحنا للبوردينق وسلمنا الشنط بعد كدا الجوازات كان الطابور مره طويل لان عندهم بس كونترين واحد لكل انحاء العالم وواحد للاتراك بعدين رحنا تفتيش مره ثانيه ،،بعد كدا انتظرنا فمكان رحلتنا،، وجا واحد ينادي يقول رحلة جده تغيرت البوابه (الحمدلله جينا المطار بدري قبل الرحله بــ ثلاثه ساعات) ورحنا بوابه مره بعيده .. . . صور من المطار جلست جنب الشباك وصورت الطيارات ههههه الطياره السعوديه اللي ركبناها ..ملاحظات .. كانت درجة الحراره مابين 20 و12 كلفتنا الرحله ماشاء الله تبارك الله 19000 شامله التذاكر والفنادق واكل وتكاسي وتسوق وهدايا وبخشيش ،،الترام والمترو ارخص بكثير من التكاسي بس زحمه .. اكثر شي تعاملنا بالانجليزي (انجليزيتهم ضعيفه) ولغة الاشاره ،،والارقام (بالورقه والقلم ) اللي عندها اطفال نصيحه تخليهم عند احد من الأهل تركيا تحتاج مشي كثير والاطفال تعب لاحظت الاتراك يحبو الاطفال ولدي كان الكل يلعبه ،، اغلبهم تعاملهم عادي وفي شويه دفشين في التعامل الحجاب منتشر حجابنا شفت كثير بالعبايه والنقاب وشفت بعضهم بالجينز اللاصق الله يهديهم بس ،، (إِنَّ اللَّهَ كَانَ عَلَيْكُمْ رَقِيبًا) كنسلنا في رحلتنا الدولما بهجه ،،ورحلة البسفور لان ماعجبنا الفري بوت في بورصه متعب. كنسلنا اولوس بارك (حديقه) وكنسلنا غابة بلغراد . منطقة السلطان احمد هاديه وكل شي يقفل بدري وصوت الاذان واضح في كل مكان. منطقة تقسيم ازعاج طول الوقت وكل المطاعم مفتوحه للصباح وموسيقى وزحمة ناس .. انتهيت لاتنسوني من دعواتكم الحلوه والتقييم اذ عجبكم موضوعي واللهم صل وسلم على نبينا محمد

هذا محل بوريك مره اشترينا منه بالجبنه وبالسبانخ هذي مكتبه للكتب مكانها...