ازيكم يا بنات ؟ يا رب بخير ديما باذن الله ...
بقالي فترة حاسة ان عندي هوس بالاباجورات و ده ظهر في الموضوع بتاع افكار لصنع اباجورات بالمنزل و ارجو انه يكون عجبكو
المهم اني قررت اعمل تغيير و تعديل في اباجورة كانت هدية جوازي بس مشكلتها ان الشابوه بتاعها ورق و مش بتسبت في مكانها ابدا !!!
ده شكل اباجورتي
و بالمناسبة الجميلة دي تاني مرة اكتب الموضوع !!! بعد ما ظبطت الدنيا دست على منتديات حواء بالغلط فا كلو طاااااااااااااااار و اهو اصرار بقى هكتب يعني هكتب هههههههه استحملوني بقى
المهم الادوات :
ورق ملون (دي كراسة ورق كانسون ملون)
مقص
مسدس شمع
نبتدي باذن الله
نطبق كزا طبقة عشان نقص مرة واحدة و نرسم دائرة
نقص و ما ترموش الورق الباقي عشان هنستعمله
و دلوقت نبتدي نلزق لون و لون و خلي الاطراف تقرب من بعض شوية
كدا دورين و قلت لما اعمل دورين كمان
المهم بقيت الورق قصيته شرايط بمقص زجزاج و ثبته في الدور الاخير من تحت
بعد كدة جبت كباية ايس كريم و قصتها زي الوردة و قربتها للنار و ثبت شرايط من ورا و ثبتها في عمود الاباجورة
و كدة خلصنا
و كدة و هي منورة
ها ايه رايكو ؟ مستنيا ردودكم