ابا احني شعري

فااااااااااااااااالج طيب :27:

اول شي.. يكون الحنا مطحون وجاهز للخلاط...

حطي الحنا في مله (الكميه غلى حسب طول الشعر) .. زيدي 4 م كبيره كركم

اخلطي على جنب 2 كيس ليبتون في كاس ماي.. حطي الماي على خليط الحنا

1 م صغيره زعفران في كاس ماي صغيز.. يوم بتشوفين الماي تغيير لونه.. ضيفيه للخلطه (الماء فقط)

طبعا في ناس سحطون اشيا ثانيه بس هذي طريقتي..

خلي الخلطه تبات والصبح حني شعرج... خليه على الاقل 3 ساعات.. بعدين اغسليه بالماء فقط!!!!!!!!!!! لا تستخدمين الشامبو... وقبل اخر شطفه.. اغسليه بعصير ليمون (يكون مخفف بالماء) هذا يثبت اللون..

بعد ما تغسلينه.. ادهني شعرج بالزيت اللي تستعملينه دوم...

وان شاءالله كل شي واضح

والسموحه :26:

بقولج كيف احني شعري
اول شئ اخذ كميه من الحنه المطحونه واضيف عليها ماء ليبتون طبعا على حسب افوح ماء واحط عليه ليبتون واخليه يغلي علشان اللون ...واضيفه على الحنه واخلطه زين ....واضيف تقريبا 3 ملاعق كبيره روب وبيضة
و اعصر نص ليمونه( يعطي الشعر لمعه) واحط تقريبا فنجان زيت زيتون(او حطي الزيت اللي تستخدمينه) علشان الحنه ماتجفف الشعر
وسلاااامتج

السلام عليكم ورحمة الله وبركاته ...
عندي ملاحظه للاخت شروق الحب ..وهي ان إضافة الزيت للحنا يمنع اللون ..يعني تحط الزيت في الحنه الوحده اللي تبغي الفايده ولا تبغي الحنه يصبغ ...ولا شو رايكم ؟؟؟؟؟؟؟؟

وعليكم السلام ورحمه الله وبركاته
هلاااا اختي ام عليا وهلااااا بملاحظتج يالغلاااااا
بالنسبة للون الحناء والزيت بالعكس ما قد حطيت الحنا على راسي الا بزيت لاني ماابي التقصفات ...لان الحنا بروحها تجفف الشعر ...وبالنسبة للضبغ ما عندي مشكله الحمد لله لون الحنا مبين في شعري وخاصه في الاضاءه يبين اللون وشكله وااايد حلووووو
خلينا نسمع راي البنات اللي مجربات الحنا والزيت مع بعض
:26: :26: :26:

شكرا للبنات اللي ردوا ... والله ييازيكم خير
بس انا كنت ابا وصفة حنا مش عشان الون شعري بس ابا وصفة لتنظيف الفروه وتغذيتها وازالة القشره .. وتطويله وتغليظه ... وبس