ابا اصبغ في البيت من عقب ماشعري اخترب من صبغة الصالون

انا اول مرة اكتب في هالقسم وبغيتكم تساعدوني في مشكلتي :09:

انا تقريبا من شهر 9 اللي طاف كنت سايرة الصالون عسب اصبغ شعري ((كنت طالعة من الاربعين ))

المهم شعري قبل ماشالله كان ناعم وطويل ولونه اسود

عاد اول ماسرت قلتلها ابا صبغة تناسب للون بشرتي (حنطاوية)

المهم قالت ولا يهمج بغيرج 180 درجة ...عاد انا استانست

والنتيجة انصدمت من اللون ....اشقر والهايلايت فاقع ياي ع الذهبي (( ماعرف اوصفه من الصدمة)) اول ماشفته قلتله شووو هاااااااا ...قالت وايد حلو عليج ..قلت مايخصه مايناسبني مووووول ..يناسب البنات اللي بشرتهم بيضاء وبالعكس هاي الصبغة مسمرتني وايد ..المهم قالت انتي خليه كم يوم وان شالله بتتقبلين اللون

المهم تميت يومين وانا متحجبة من الاهل ومن زوجي >>>اللون فظيع كل اللي شافوني قالولي شو هالبدعة خخخخخخخخخ

المهم رجعت لهم وقلتلها هالبدعة تغيرينها ...وشعري كاااااان جاف وايد ومنفوش بشكل ماتتخيلونه ...وفيه خصل كبيرة ورااا ((خواتي خبروني عنهن )) اتخيلوا لونهن ابيض من شدة الهايلايت

اقولهاااااا انا ياية اغير من شكلي مب ياية اكبر عمري ,,,واسوي الشعر الابيض خخخخخخخ

وطفتلي اللون والحمدلله اللون استوى اوكيه ..على فكرة عقب ماعدلت اللون قالت انا ماكنت ابا اسويلج هاللون ((يعني تعرف هاللون مايناسبني ))

مشكلتي الحين ان اللون راااح وبان الهايلايت الحين والصبغة الاولية بس على اخف >>> شكلي مب شي ..ففكرت اصبغه في البيت بروحي بلون غامج ..بس بصراحة ولا مرة صبغت فبغيتكم تساعدوني باسم الماركة ..وكيف اقدر اغير من لون هالهايلايت ..واخلي شعري لون واحد او على الاقل هالهايلايت مايكون بهاللون البشع...وكيف اعالج شعري من هالجفاف الفظيع ..يعني من اغسل شعري على طول وخصوصاً مكان الهايلايت الابيض ينفش ويتعقد ويصعب علي اني اسرحه


بانتظاركم :26: واسمحولي على الاطالة