ابتديت امـــرخ ..محتــــاجة لدعواتـــــكم بنـــــــــــات

بسم الله الرحمن الرحيم..
بنات امس رحت عند مراخة بالظهران وقبل ما أروح لها كنت شاكة ان فيني شي مو طبيعي يعني الدورة مش منتظمة نفس اول والله يكرمكم الدم اللي ينزل شي بسيط جداً وتنزل تكتلات وعمرها ما كانت كذا قبل ما اتزوج ..
واحس بألم وقت الجماع في مواضع واحس جهة اليسار من اسفل بطني يجية الم والله اني خفت ورحت لمستشفي وقالت كل شي سليم بس هرمون الحليب واكلت الحبوب ونزلت وشربت خلطات ماخذتها من المنتدي وهم نزل بعد ..
وبعدين أبتدت الدكتورة تعطيني منشط بس تركتة لأنة قوي علي وما قدرت استحملة..
وقريت بالمنتدي عن وحدة الله يجزاها ألف خير راحت لوحدة تمرخ في الشرقية وأنها امرختها وحملت فأخذت رقمها وكلمتها ورحت لها وقلت خليني اسكت وما أقول لها شي بس قلت لها ان عندي هرمون الحليب يرتفع..
قالتلي اشوف واول ما مسكت بطني استغربت وضغطت علي الجهة اليمني ما حسيت بألم ويوم ضغطت علي اليسار صرخت ما قدرت اتحمل الألم..
فقالت لي عندك ميلان بالرحم جهة اليسار وسبحان اللة علي نفس الجهة اللي تألمني قبل وقالت الرحم متلزق علي بعض لأني جايبة ولد بالقيصرية وتقول اغلب اللي تولد بالقيصرية يتلزق رحمها ..والحين صارلي مدة ماحملت والله اني ولهانة علي الأطفال ...وقالتلي خلي ايمانك بالله قوي وهو الشافي لاتتكلين علي أحد حتي انا وتكلي علي اللي ماتنام عينة..
ومرختني وسوت لي كاسات هوا وقالت بعطيك اعشاب تنشط المبيض وتزيل الأنسدادات واشياء ثانية وكلة بيد رب العالمييييييييييييين
واليوم بروح لها مرة ثانية علشان تمرخني..
بنات دعواتكم لي والله اني محتاجة الدعاء منكم ..والله اني في حالة مايعلم بها غير رب العالمين ..اللهم ارزقني ورزق كل محرومة بالذرية الصالحة عاجلاً غير آجل يارب العالمين..