موضوعي للضحك والفرفشة (رجاء خاص ماأبغى أي وحدة تخربه بالمشاحنات او الردود خارج صلب الموضوع أكتفي بتقييم المشاركة بدون تعليق رجاء)
ببدأ أقولكم مواقفي
طبعا انا ذكرت مواقفي في مواضيع كثيرة في المنتدى
حبيت أجمع كل المواقف اللي ذكرتها في موضوع واحد
(1)
هاذي وحدة في المنتدى سئلت لو قلك خطيبي كيف شكلي كيف راح تردي عليه ؟
وكان هذا ردي
طبعا الموقف مؤلم ومحرج اكثر من انو يضحك كل ماتذكر نفسي
جبت العيد وربي ستر لازم لازم اخذ كورسات عن طريق التعامل مع زوجي
عاد وربي كنت بريئة ماعندي سوالف المراهقات وكلام الحب
انا متعلقة في أخوي مرة مرة واحبه كثر ان مرة حنون عليا (الله يوفقهة في دراسته ويسير له الصحبة الصالحة يارب بنات ادعوله )
المهم ثاني مكالمة لخطيبي
سئلني نفس السؤال
قلت له
اقولك بس ماتزعل
قال خيرلا عادي عادي
قلت لاتزعل
قال طيب مو زعلان
انتي حلو
بس صراحة
صراحة
اخوي فلان
احلى منك
قال وشو هاه شنو تقولي (بصوت خرم طبلة أذني الوسطى )
قويت نفسي وتنحنحت عشان لايبين البكى في صوتي
قلت اللي سمعته
قال ماسمعت شي
قلت من قال هاها سمع ضحك
قال افا ياشهد ماتوقعتها منك وربي قوية صدمتيني اجل انا ماني مالي عينك فلان تحبينه اكثر مني ويضحك بتريقة ويقول ماجبرتي بخاطري
قلت لاتزعل انا قلت الصراحة
قال يكلم نفسه :مازالت مصرة على رأيها
قلت نعم ؟؟؟؟؟؟؟
وشوي جيت بأكحلها عميتهاااااااااااااا
قلت له بس صراحة شعرك روعة يذكرني بولد خالتي فارس
قال شهد حبيبتي (وهو ميت ضحك )مع السلامة مع السلامة لاتجيبي العيد أكثر من كذا
ولا من قواة العين رحت لماما اشرح لها موقفي واحكيها
واشره بعد قالت ماما يامسودة الوجه مو كذا تتكلمي
المفروض مدحتيه ياويل حالي عليك
قلت ياماما المفروض مازعل انا قلت الصراحة
قالت ماما بتريقة ايه يابنتي معاك حق ابدااااااااا ماغلطتي بعيد عنك الغلط ياماما روحي كملي مواعيين المطبخ ونظفي غرفتك
اتصل على أخوي وقال له يافلان ترى شهد قالت كذا وكذا نصيحتي اعطي اختك دورة للمقبلين على الزواج
وطريقة التعامل مع الناس
بس والله طلع رجال لو انو واحد ثاني غير قلبها عليا
ورسلي ورقت طلاقي
ههههههههههههههههههههههههههه
هههههههههههههههههههه
(2)
انا بابا وأخواني عاملين لهم شاشة في ملحق خاصة بس في المباريات حتى قنوات الجزيرة الرياضية بلس اللي بفلوس طبعا حاطينها كلها قنوات رياضية
المهم مرة بابا كان عندو( شفت )دوام ليلي ا وأخواني كان عندهم اختبارات اضن وكان فيه مباراة لهلال
واشوف ماما تسوي حلى وشاهي ومعجنات وتوديها الملحق وانا اشوفها من شباك غرفتي الدور الثاني أستغربت ليش ماما عاملة هذا كلو وبابا مو موجود حتى
واشوي اسمع بابا غرفتي :طق طق
ماما تقول ليه :شهد اليوم مبارة الهلال والنصر تعالي نتابع متحمسة مرة يلا بسرعة جهزت معجنات وحلى وقهوة والشاهي بعد يلا ياماما دحين استديو تحليلي -_-
قربت من عندها وحسيت راسها قلت أمكن ماما مسخنة ولا فيه شي يعني مرة ماما تكره المباريات فجأة تحبها مايسير فيه شي
المهم تجرني وأنزل معاها وكل هجمة تصرخ وياخسارة ومادري ايش
انا لغاية الان مو مستوعبة ايش فيه
وشوي تدق على بابا وتقول له فلان ترى الهلال فاز يلا بسرعة أختار شاليه نتمشى فيه
وربي نصرنا عليهم لو شفت هجمة ياسر كان ضربة جزاء والحكم ماحسبها انا مادري عندي احساس انو متعاون معاهم
وفجأة تقول لبابا ليش مانزل سامي الجابر
قال لها بابا سامي معتزل له اكثر من 5سنين
وهيا تقول ايه ايه نسيت (خخخخخخخخخخ تسلك لنفسها )
في الاخير فهمت السالفة
أنو بابا وعدها لو فاز الهلال على النصر وكانت متابعة جيدة للمبارة يورح معاها شاليه لحالهم واشوف الحماس وتتصل على اختي تسأل بالله يافلانة مو ضربة جزاء حقت ياسر القحطاني -_-
يافلانة المدرب هذا مو كان غيرو ولا تغير
حبيبتي جوري البرزيلي شنو اسمه
تقولها ويسلي
تتصل على بابا وتقول :وسلي مالعب زين اليوم والمحترف الجديد وجهه مايبشر بخير شكلو مو حق كورة ابد (ياعيني ياخبير خخخخخخخخ)
اختي هلالية من زمان وخبرة في الكورة
يا انو يوم ماينسى مت ضحك عليها كل هذا الحماس عشان شاليه ياحبيبتي ياماما
(3)
الله يسلمكم مرة أخواني عملو فيه مقلب مو قادرة انساه عملوه طبعا في الكل
كنا نتفرج على الشيخ علي ال ياسين وهو يقراء ايات السحر والجن والمتلبسين (رقية شرعية طبعا)
المهم وأخوي يطالع فيا
وانا معاية منديل أبكي وادعي للمسحوريين والمرضى وابكي وامسح بالمناديل
شوي الا اخوي يمسك شعري ويرجع راسي على ورى
ويطلع صوت كأنه صوت قطو
وعيونو تتقلب يسير لونها ابيض
واخوي الثاني يرشو بموية
والثاثلث يصرخ
وبابا وماما مفجوعين وانا اصرخ وابكي وابكي
واروح في زواية في الصالة أجلس فيها وارتجف وابكي بصوت عاااااااااااالي وانادي جدتي
وبابا يمسك اخوي ويقول (بسم الله بسم الله )
واماما تنوح وحالة
ويمسك اخوي الثاني ويعطيه كف ويطيح الثاني ويمثل انو أنصرع
كأنك تشوفي مسلسل والمشكلة حتى مايضحكو
وفجأة بدون مقدماااااااااات
الثلاتي المرح
يضحكون وأحنا نمزح معاكم سوينا فيكم مقلب
بكل بساطة يضحكون
وماما ماخلت سبه ماقالتها
وبابا زعل عليهم
مهما كان مقالب مثل كذا ماتتسوى العيال دائما مقالبهم ثقيلة طينة
(4)
أنا بحكي لكم موقف لماما الله يطول بعمرها مع بابا
هذا في يوم من الايام كان باقي على عرس ولد خالتي اسبوع وماما عندها موهبة رقص مشاء الله تبارك الله
المهم وانا احوس في النت أدور انا واختي طق نتدرب عليه بروفة للعرس
واذا بنا نقع على دف مصري بدون اغنية بس دف مصري
المهم تذكرنا الوالدة الغالية تحب الطق المصري رحنا انا وأختي نقنعها تجي غرفتي وترقص لنا مصري وبعد محالاوت مني انا وأختي الغالية وافقت
المهم
ياحبايب قلبي
حطت طرحة على الخصر وفكت شعرها وانا كنت واقفة على السرير (من ضيق الغرفة ههههههههههه) كنوع من الشجيع لها
المهم ترقص وترقص وتهز هز مو صاحي
وهز ياوز وهز ياوز ورى قدام ايوا ايوا
وتحرك شعرها يمين وشمال ونصفق انا واختي ونصفر وحماااااااس واذا المفجأة الكبرى
بابا واخوي الكبير واخوي اصغير كلهم يشوفونها وهيا ترقص
وماما دايم رزينة عند الوالد ومرة ماهي الحرمة المراهقة المطفوقة
لا والمصيبة انها جدة ههههههههههههههههههههههههه
بس انا اعجبكم ياحبايب قلبي
كم مرة يطلبها بابا ترقص له
خخخخخخخخخخخخخخ
ورطتها
يلا الان أترك لكم المايك
لذكر مواقفكم الطريفة مع (عائلتكم )
او موقف حصل لك
رجاااااااااااااااااء بدون تعليقات خارج صلب الموضوع
يارب لاتحرمني لذة النظر الى وجهك الكريم
يارب لاتحرمني من حلم طالما أنتظرته
رسائل :
كن على حذر من الكريم إذا أهنته ومن اللئيم إذا أكرمته ومن العاقل إذا أحرجته ومن الأحمق إذا رحمته
................
يشعر بالسعادة من يغسل وجهه من الهموم ورأسه من المشاغل وجسده من الأوجاع
..............
من أذنب وهو يضحك دخل النار وهو يبكي
.........................
سبحان الله العظيم