
صمت اذاب الجليد @smt_athab_alglyd
عضوة فعالة
ابتعاثي بكرة بس اهل زوجي !؟
بنات انا قدمت عالابتعاث وقبلت لي سنة وبكرة سفرتي بموافقة زوجي وتأييده وهو اللي مقدم لي ، المهم امه وابوه مايبونه يروح معي ودعوا علي دعاوي وجو في بيتي البارح وقالوا لولدهم ماحنا راضين والله لايسامحك لا دنيا ولا اخره اذا رحت معها ، طبعا عمي ابو زوجي لو تقول عمتي موافقة قال موافق ، اي شي تقول يقول ايه ، المهم زوجي قال انا زوجها وانا موافق والبنت طموحة ومن حقها تكمل ، قالوا روحي لاهلك يسنعونك ماتاخذين ولدنا ، طبعا خوات زوجي 2 مبتعثات مع ازواجهم ، والبعثة للبنات وازواجهن مرافقين ، قلت ياعمة يروح معي اول شهر ويرجع وانا اجيب ابوي ، الان مقدر اغير المرافق ، قالت لا والله ان راح ماحنا راضين ! اسألكم بالله يحق لهم هالشي ! يقول زوجي اهلي مايبون ولا وحدة من حريم العيال تنجح . المهم بناتهم وقال لي ماعليم بروح معاك ومافي شي بيتأجل ، وربي ماراح يحاسبني على شي ماهو معصية ، انتي زوجتي ومن حقك تكملين ، وانا مقدم لك عالبعثة ابي اهرب من اهلي وتدخلهم في حياتنا ، لو وحدة بمكاني وش بتسوي ! اروح وماعلي من احد دام زوجي موافق؟! والله ياسمعتنا دعاوي يابنات
73
19K
يلزم عليك تسجيل الدخول أولًا لكتابة تعليق.

11eza
•
الله يسهلك ياأختي ماعليك منهم ،،اهم شي زوجك راضي

سوكره2 :
لا يمكنك مشاهدة هذا التعليق لانتهاكه شروط الاستخدام.
بس يابنات اسألكم بالله هذا مو ظلم بعينه ! دعاوي قوية وتدخل وتسلط وانا زوجي موافق !! اقسم بالله ماتسوى على ولدها مسكين هموم الدنيا فوقه ، تقوله جعلك تحت تريله ان رحت !! انا قعدت ابكي عندها قلت لاتدعين عليه ! حرام عليك ! قالت ماحنا راضين ماحنا راضين والله لايسامحه ان راح ! انا خلاص افكر اقطع علاقتي فيهم نهائيا ان رحت بعد كلامها لي ذا ! ومشاكلي معهم واجد كاتبته بها المنتدى 😔 الله ييسر لنا

مو من حقها تمنعك لو فيها خير كان منعت بناتها ودعاويها اذا ما تستحقينها تنزل على راسها
استغرب بعض الامهات تزوج ولدها وتبغى تسيطر على زوجته كانها جايبتها استقدام مو بعقد زواج
روحي وخلي زوجك معاك وخليها تحرق في نفسها دام تزوجتي زوجك مسؤؤل عنك مو ابوك
استغرب بعض الامهات تزوج ولدها وتبغى تسيطر على زوجته كانها جايبتها استقدام مو بعقد زواج
روحي وخلي زوجك معاك وخليها تحرق في نفسها دام تزوجتي زوجك مسؤؤل عنك مو ابوك


ام مارتي
•
والله تخوف دعاويها لو منك ومن زوجك لاكنسل هالبعثة اذا اهلي يحتاجوني معليش اضحي عشان خاطرهم ورضاهم .
الصفحة الأخيرة