ابتكاري بسبوسه بدون بيض او قشطه وجوز الهند سهله وماتكل

<img style="font-size: 100%; -webkit-text-size-adjust: 100%;">السلام عليكم حبايبي
هذي وصفتي الخاصه لاني عندي حساسيه من البيض وماحب جوز الهند بالبسوسه والقشطه احسها ماتاثر بطعم البسبوسه
ف ابتكرت هذي الطريقه وانا متاكده 100/100انها رح تعجبكم😊
كل من ذاقها اخذ وصفتها وتجمل بين الضيوف بالرغم من بساطتها حتى ان بعضهم صار يسميها باسمي 😊
المقادير اللي بكتبها تكفي صينيه وسط بايركس وتكون نحيفة الارتفاع )ماحب البسبوسه العريضه(
كاسه سميد
كاسه حليب بودره والافضل نيدو او الخير
نص كاسه سكر
ربع كاسه زيت
ملعقه بيكنج بودر
نص ملعقه فانيليا واحب فانيليا العلالي مميزه بالطعم
وكاسه ونص مويه
المقادير كلها بنفس الكاسه
اخلطيهم كلهم مع بعض
وبتكون خفيفه بالبدايه كان المويه زايده بس شوي تصير تتشرب المويه وتصير ثقيله
مو تخلوها ثقيله مرره تطلع قاسيه وماتشرب التشريبه
حطوها بصينيه مدهونه ودخلوها الفرن تستوي استواء عادي
بينما الصينيه بالفرن خذي علبه حليب سايل مركز
زي لونا وابو قوس وزي كذا
وانا جربت مجموعه منها وكان افضلها لونا👍🏻
حطي علبه كامله حليب مع فنجانين قهوه سكر
وحطيهم ع النار الين يذوب السكر ويصير الحليب ثقيل شوي
حطيه ع جنب يبرد شويه
طلعي الصينيه وصبي عليها التشريبه كامله واذا حسيتي انها لسا ماشربت كويس حطي شيره شوي
وبس☺☺☺☺
اعطيكم سر صغير 😉
اذا خلص عندي الحليب السايل احط نص علبه حليب نستله المحلى واخففه بمويه حاره الين يصير زي الشيره
واصبه على البسبوسه ويعطي طعم خيال زي حقت الطازج
معلومه
اذا كانت البسبوسه عريضه زيدي التشريبه شوي
بالنسبه للسميد اخذ سميد ناعم
واللي تجربها تعطينا رايها


دعواتكم لي بالشفاء والرزق😢
وهذي صورتها وان شاء الله تطلع