ابتلت بسبب زوجها...ادعولها الله يشفيها...ترها محتاجه للدعاء

السلام عليكم ورحمة الله وبركاته

أخواتي...لأني أدري إن فيكم الخير...إنكم ما تقصرون على حد بالدعاء...

اطلب منكم إنكم تدعون الله يشفي إختي....عاجلاً وليس آجلاً...

الله بلاها بمرض جنسي بسبب زوجها ( حسبي الله ونعم الوكيل)...ظلمها بهالمرض...

زوجها كان له علاقات محرمه كثيره مع نساء قبل ما يتزوج....ورفض يسوي فحص قبل الزواج...كانت تطلب منه إنه يفحص بس هو كان يرفض..كان يقول وإذا طلع فيني شي بتخليني أحسن لي إني ما أفحص....( أحس إنه كان حاسس إن الله بيبلاه بمرض بسبب الحرام اللي كان يسويه وبفضاعه)

وطلع حامل لفيروس هذا المرض ونقله لإختي...( المرض مب مرض الإيدز) مرض ثاني جلدي يصيب المناطق التناسلية...لكنه خطير إذا انترك بدون علاج...لأنه احتمال يسبب سرطان...الله يكفيها ويكفينا شره..

والله إن حالتها تعبانه...ومناعتها ضعيفه...والمشكله إنها حامل وما تقدر تتعالج بأدويه قويه...لازم تنتظر لين تولد...وطبعاً الولادة بتكون قيصريه على شان ما ينتقل المرض للمولود...

وزوجها حسبي الله عليه...ما راح يتعالج ومخلي إختي هي بس اللي تتعالج..لأنه ما يحس بشي لأنه بس حامل للفيروس.... والله إنها اتبهدلت...والقهر إنه ما زال يخونها لكن ألحين بس بالتلفون...لأنه خايف بعد ما اكتشف المرض اللي هو حاملنه....لكنه للأسف ما خاف من رب العالمين...

ادعوا لها والله ما يعلم بحالها غير ربها اللي خالقنها...نفسيتها تعبانه...خايفه على نفسها وعلى اللي في بطنها...وخايفه إنها تفقد مولودها أو إنه يعيش يتيم بدون أم....

ادعولها أخواتي..ولا تبخلون عليها بالدعاء.... الله يرزقكم الجنه يا رب....