ابحث عن شريكه في ارض سكنيه او تجاريه

السلام عليكم ورحمة الله وبركاته

خواتي بنات الرياض وما جاورها

ابحث عن شريكه في ارض مثلا تكون مساحتها 900

ندفع قيمتها ونقسمها وكل وحده تاخذ نصيبها تبيعها تبنيها اللي يريحها

لأن اللحين الأراضي نار وغاليه

انا مابي اسكن فيها , انا اريد استثمرها يعني اصبر عليها وابيعها

انا بحثت بمكاتب الرياض

قالي اذا انتي مو تبين تبنينها وتبحثين عن الرخيص

روحي لضرماء - حريملاء - الدوادمي - عفيف - وغيرها

بحثت في ضرماء واصلين البيع 250 الف :mad:

وبحثت في الدوادمي 120 الف وومكن تحصلين اقل لكن باقي ماوصلها خدمات

بحثت في عفيف حصلت من 55 الف وطالع ماشاء الله <<< هنا فكرت انا

لكن ما املك 55الف وحتى واصلين 120 , وكل يوم عن الثاني الاحظ من خلال بحثي طايرين

انا قلت احصل هنا وحده اثق فيها وتثق فيني , ونحط يد بيد ونواصل

وممكن نتعاون ونعمرها ونستثمرها , او نتقاسم الأرض وكل وحده تطلع بصك مستقل

انا علي ابحث عن الأرض واتعب لحد ما اجيبها لكن اللي اريده وحده تشاركني وتقولي متوفر عندي المبلغ كذا

حتى مانورط بعضنا ينقص المبلغ او شيء

انا علي املك 20 الف حاليا وممكن ازودها 5 الاف

انا حصلت ارض مساحتها 620 بـ 55 الف يسومونها , وصاحب الأرض يبي زياده فيها

انتظر ردودكم بنات ,,,